اسلام آباد : پاکستان نے کرونا وائرس کی وجہ سے فضائی آپریشن یا بارڈرز بند ہونے کے باعث ویزے یا اقامے کی میعاد ختم ہونے کی وجہ سے پریشان پاکستانیوں کیلئے خصوصی سیل قائم کر دیا گیا ہے۔
تفصیلات کے مطابق وزارت سمندر پار پاکستانیز نے کورونا وائرس کے حوالے سے بیرون ملک رہنے یا ملازمت کرنے والے پاکستانی شہریوں کے لیے خصوصی سیل قائم کردیا ہے۔
کورونا وائرس ایمرجنسی سیل ان تمام افراد کے لیے قائم کیا گیا ہے جو کہ فضائی آپریشن یا بارڈرز بند ہونے کی وجہ سے ویزے یا اقامے کی میعاد ختم ہونے کی وجہ سے پریشان ہیں۔
اس حوالے سے وزیراعظم کے معاون خصوصی برائے سمندر پار پاکستانی زلفی بخاری نے سماجی رابطے کی ویب سائٹ ٹوئٹر پر اپنے پیغام میں کہا ہے کہ ایسے تمام مسائل پر میں ترجیحی بنیادوں پر کام کر ہا ہوں۔
ٹوئٹر پر زلفی بخاری نے ان تمام افراد سے ایمرجنسی سیل سے رابطہ کرنے کی اپیل کی ہے جن کے ویزے یا اقامے کی مدت ختم ہو چکی ہے۔
اس سلسلے میں قائم کیے گئے ایمرجنسی سیل کے رابطہ کا طریقہ کار مندرجہ ذیل ہے۔
ٹیلی فون نمبر : +92519212525
موبائل نمبر :+923060329901
اس کے علاوہ شہری ٹوئٹر اور فیس بک پر بھی رابطہ کر سکتے ہیں۔
