معروف پاکستانی اداکارہ اقرا عزیز نے اپنے شوہر یاسر حسین کے لیے محبت کا اظہار کرتے ہوئے اس بات پر فخر کا اظہار کیا کہ وہ ان کی اہلیہ ہیں۔
تفصیلات کے مطابق معروف اداکارہ اقرا عزیز نے شوہر یاسر حسین کے لیے سوشل میڈیا پر محبت بھرا پیغام جاری کرتے ہوئے اس بات پر فخر کیا ہے کہ وہ یاسر کی بیوی ہیں۔
View this post on Instagram
اقرا عزیز نے شوہر کی تعریف کرتے ہوئے لکھا کہ ان کے شوہر نے اپنی صحت کی پرواہ کیے بغیر ہر وقت ان کا خیال رکھا، انہوں نے انکشاف کیا کہ متعدد بار یاسر حسین نے ان کی ایسے وقت میں خدمت کی جب وہ خود بھی علیل تھے مگر انہوں نے اپنی پرواہ کیے بغیر ان کی خدمت کی۔
اقرا عزیز نے لکھا کہ انہیں فخر ہے کہ وہ یاسر حسین جیسے پیار کرنے اور خیال رکھنے والے شخص کی اہلیہ ہیں۔
اداکارہ نے پوسٹ میں شوہر کی پیشہ ورانہ تعریف بھی کی اور لکھا کہ وہ شوز کی اس طرح میزبانی کر کے دوسروں کو ہنساتے رہتے ہیں، جیسے ان کے ساتھ کوئی مسئلہ ہی نہیں۔
انہوں نے پوسٹ میں شوہر کے ساتھ محبت کا اظہار بھی کیا اور زندگی بھر ان سے محبت کرتے رہنے اور ساتھ رہنے کا عزم بھی کیا۔
View this post on Instagram
یاد رہے کہ سنہ 2019 میں شادی کے بندھن میں بندھنے والے جوڑے کے یہاں جولائی میں بیٹے کی پیدائش ہوئی ہے جس کے بعد سے اقرا اسکرین سے دور ہیں۔