ایران کی جانب سے تل ابیب میں واقع غاصب صہیونی وزارت جنگ کے ہیڈکوارٹر پر میزائل حملے کی تصدیق امریکی نیوز چینل فاکس نیوز نے کردی ہے۔
ایران کی مہر خبررساں ایجنسی کے مطابق فاکس نیوز کے تل ابیب میں موجود نمائندے نے بھی اس بات کی تصدیق کی ہے کہ ایران نے صہیونی حکومت کی وزارت جنگ کے مرکز پر حملہ کیا ہے۔
رپورٹس کے مطابق اسرائیلی میڈیا نے بھی اس حملے کی تصدیق کرتے ہوئے کہا ہے کہ ایران کی جانب سے داغا گیا ایک میزائل براہ راست تل ابیب میں صہیونی وزارت جنگ کی عمارت کے قریب آ کر گرا ہے۔
اسرائیلی میڈیا کے مطابق ایران کے وسیع میزائل حملوں کے باعث ایک اسرائیلی خاتون ہلاک اور کم از کم 70 افراد زخمی ہوئے ہیں۔
اسرائیلی صحافی کا کہنا ہے کہ ایران کی جانب سے داغے گئے میزائل حملے کے باعث رمات گان شہر میں 9 عمارتیں مکمل طور پر تباہ اور سیکڑوں رہائشی یونٹس کو خالی کرالیا گیا ہے۔
اسرائیلی میڈیا کے مطابق ایران کے میزائل حملوں کے نتیجے میں تل ابیب کے مختلف علاقوں میں سیکڑوں اسرائیلی اپنے تباہ شدہ گھروں اور رہائشی مقامات کو چھوڑنے پر مجبور ہوچکے ہیں۔
دوسری جانب پاسداران انقلاب کے اعلیٰ کمانڈر جنرل احمد واحدی نے کہا ہے کہ اسرائیل سمجھ گیا ہوگا ایران پوری قوت سے جواب دینے کی صلاحیت رکھتا ہے۔
پاسداران انقلاب کے اعلیٰ کمانڈر جنرل احمد واحدی کا کہنا تھا کہ آپریشن میں اسرائیل کے اہم فضائی اڈے، صنعتی مراکز کو نشانہ بنایا گیا۔
ایران جوہری مذاکرات میں شریک ہوگا یا نہیں؟ اہم بیان سامنے آگیا
اُنہوں نے کہا کہ اسرائیل میں 150 سے زائد اہداف کو کامیابی سے نشانہ بنایا گیا، آئندہ بھی ایسے جوابی اقدامات دہرائے جا سکتے ہیں، انہوں نے کہا کہ تل ابیب میں وزارت دفاع، صنعتی اور فوجی مراکز کونشانہ بنایا گیا۔
