اسرائیلی انٹیلی جنس کی جانب سے شرانگیزی کے خدشے کے بعد ایران میں انٹرنیٹ کی اسپیڈ میں 80 فیصد تک کمی کردی گئی۔
غیرملکی خبرایجنسی کے مطابق ایرانی حکام نے بتایا کہ اسرائیلی انٹیلی جنس کارروائیوں کے خدشے پر انٹرنیٹ رفتارکم کی گئی ہے جبکہ ایرانی سرکاری میڈیا کا کہنا ہے کہ آج رات انٹرنیٹ بند کرکے حکومتی نظام کو متحرک کیا جائےگا۔
ایران میں اس وقت موبائل ڈیٹا نیٹ ورکس میں خلل درپیش ہے، غیرملکی ایپ اورویب سائٹس تک رسائی محدود ہے، ایران میں وی پی این سروسز بھی بلاک کردی گئی ہے، شہری ہوم وائی فائی پر انحصار کررہے ہیں۔
تہران اسرائیل جنگ سے متعلق تازہ ترین خبریں یہاں پڑھیں
اس سے قبل ایران نے اسرائیل پر بڑا سائبر حملہ کیا تھا، اسرائیلی شہریوں کے موبائل فونز پر دل دہلا دینے والے پیغامات بھیجے گئے تھے۔
امریکا سے معاہدہ قریب تھا، نیتن یاہو نے سب کچھ برباد کردیا، عباس عراقچی
اسرائیلی میڈیا رپورٹس میں بتایا گیا تھا کہ ایران اور اسرائیل کے درمیان جاری شدید کشیدگی میں ایک نیا محاذ کھل گیا ہے، ایران نے اسرائیل پر سائبر حملہ کر دیا ہے۔
iran israel تمام خبریں
شہریوں کو ایندھن ذخیرہ کرنے اور پناہ گاہوں میں نہ جانے کے پیغامات موصول ہوئے تو ان پر ہیبت طاری ہو گئی، سائبر حملے میں ہزاروں اسرائیلی شہریوں کے موبائل فونز کو نشانہ بنایا گیا تھا۔
اسرائیل پر اب خطرناک حملے ہوں گے، ایرانی فوج کے سربراہ کا اعلان
