دفاعی ماہرین نے اعتراف کیا ہے کہ اسرائیل کے خلاف ایران کا بیلسٹک میزائل حملہ اپریل میں کیے گئے حملوں کے مقابلے میں نہ صرف بڑا بلکہ زیادہ پیچیدہ اور اس میں جدید ہتھیارشامل تھے۔
خبر ایجنسی کی رپورٹ میں بتایا کہ ایران نے اسرائیل پر حملے کیلیے فتح ون اور خیبرشکن میزائلوں کو استعمال کیا جن کی رینجر 1400 کلو میٹر اور 870 میل ہے۔
رپورٹ میں بتایا گیا کہ فتح ون اور خیبرشکن میزائل صورتحال کے مطابق پوزیشن لیتے ہیں اور یہ کروز میزائل کی ایک شکل ہے، دونوں میزائل ٹھوس ایندھن استعمال کرتے ہیں جنہیں آسانی سے لانچ کیا جا سکتا ہے۔
خبر ایجنسی نے مزید بتایا کہ آسانی سے لانچ کا مطلب ہے میزائل ایک ساتھ پہنچتے ہیں تاکہ دفاع پر دباؤ ڈالا جا سکے، اسرائیل کے دفاعی نظام آئرن ڈوم کی ناکامی کی وجہ بھی میزائلوں کا ایک ساتھ پہنچنا تھا۔
یاد رہے کہ ایران نے اپریل میں اسرائیل کے خلاف عماد بیلسٹک میزائل استعمال کیے تھے جو مائع ایندھن استعمال کرتے ہیں۔ لیکن ماہرین کہتے ہیں کہ اس بار ایران نے جدید بیلسٹک میزائل استعمال کیے جو اسرائیل تک پہنچنے کی صلاحیت رکھتے ہیں۔
ایران کے مطابق دونوں میزائلوں میں وار ہیڈز ہیں جو دفاع کو مزید مشکل بنا کر ٹھوس ایندھن کا استعمال کر سکتے ہیں، اس کا مطالب ان میزائلوں کو مختصر وارننگ کے ساتھ لانچ کیا جا سکتا ہے۔
