اسرائیلی فوج کی جانب سے ایران کے مختلف مقامات پر حملے کیے جارہے ہیں، ایران نے جوابی کارروائی میں ڈرون طیارے بھیج دیے۔

عرب خبر رساں ادارے کی رپورٹ کے مطابق ایک اسرائیلی دفاعی میزائل نے عکا کے خلیج میں ایک فضائی ہدف کو مار گرایا۔ اسی علاقے میں ایرانی ڈرون کو روکے جانے کی تصاویر بھی وائرل ہوئی ہیں۔

رپورٹس کے مطابق شام کی سمت سے آنے والے ڈرون طیاروں کو بھی روکنے کی کوششیں جاری ہیں۔

اسرائیلی فوج کی جانب سے اعلان کیا گیا ہے کہ ایک ایرانی ڈرون کو حیفا کے شمال میں روکا گیا، جب کہ دو دیگر ڈرونوں کو ایلات کے شمال میں بحیرہ مردار کے علاقے میں مار گرایا گیا۔ مذکورہ ڈرون طیارے ایران سے بھیجے گئے تھے۔

رپورٹس کے مطابق اس دوران اسرائیلی داخلی محاذ نے ہنگامی انتباہات جاری کیے، جو چند منٹ بعد اس اعلان کے ساتھ ختم کر دیے گئے کہ ڈرونز کو روک دیا گیا ہے۔

ایرانی خبر رساں ایجنسی ”تسنیم” کی رپورٹ میں کہا گیا ہے کہ مغربی ایران کے علاقے لورستان میں اسرائیل سے تعاون کرنے والے 16 جاسوسوں کو حراست میں لے لیا گیا ہے۔

اسرائیلی فوج نے ایران کے کلش طالشان نامی صنعتی علاقے کے باشندوں کو متنبہ کرتے ہوئے علاقے سے انخلا کا حکم دیا ہے۔ فوج کے بیان کے مطابق، یہ انخلا ایک ایرانی فوجی تنصیب پر متوقع حملے کے پیشِ نظر ضروری تھا۔

ایرانی سپریم لیڈر آیت اللہ علی خامنہ ای کا اہم بیان

ایرانی سپریم لیڈر آیت اللہ علی خامنہ ای کے ایکس (سابقہ ٹوئٹر) اکاؤنٹ پر جاری کردہ ایک ویڈیو میں اسرائیلی فضائی حملوں اور غزہ میں کیے گئے مظالم کے مناظر کو دکھایا گیا، ساتھ ہی ایران کی جانب سے اسرائیل پر داغے گئے میزائلوں کی تباہ کاریوں اور اس پر لوگوں کے جشن منانے کی فوٹیج کو شامل کیا گیا۔

iran israel تمام خبریں

ایرانی سپریم لیڈر آیت اللہ علی خامنہ ای کی جانب سے شیئر کی گئی ویڈیو میں دکھایا گیا ہے کہ کس طرح دنیا بھر میں لوگوں نے ایران کے ان حملوں کو سراہا، جو اسرائیل کے خلاف ردعمل کے طور پر کیے گئے۔

ایران نے تل ابیب کے سائنس انسٹی ٹیوٹ کو ملیا میٹ کردیا

شیئر کی گئی ویڈیو کے کیپشن میں تحریر تھا، ”وہ میزائل جو دنیا کے باوقار انسانوں کے لیے خوشی کا باعث بنے۔”