جمعیت علمائے اسلام کے سربراہ مولانا فضل الرحمان نے حکومت سے مطالبہ کیا ہےکہ وہ امریکی صدر ڈونلڈ ٹرمپ کے لیے نوبل انعام کی سفارشات واپس لے۔
اے آر وائی نیوز کے مطابق سربراہ جے یو آئی مولانا فضل الرحمان نے مری میں تقریب سے خطاب کرتے ہوئے ایران پر امریکی حملے کی سخت مذمت کرتے ہوئے کہا کہ ٹرمپ نے امریکی کانگریس کی اجازت کے بغیر ایران پر حملہ کر کے امریکی آئین کی خلاف ورزی کی۔
فضل الرحمان نے مزید کہا کہ ڈونلڈ ٹرمپ نے امن کے نام پر الیکشن لڑا تھا لیکن اب دنیا کو نئی جنگوں میں جھونک رہے ہیں۔ ہم امریکا دوستی کی نہیں بلکہ غلامی کی مخالفت کرتے ہیں۔
جے یو آئی سربراہ نے کہا کہ اہم ایران اسرائیل جنگ میں ایران کے ساتھ ہیں۔ حکومت پاکستان سے مطالبہ کرتے ہیں کہ وہ امریکی صدر ڈونلڈ ٹرمپ کے لیے امن کے نوبل انعام کی سفارشات واپس لے۔
ایران، اسرائیل اور امریکی تنازع سے متعلق تمام خبریں جاننے کے لیے کلک کریں
واضح رہے کہ گزشتہ دنوں حکومت پاکستان نے پاک بھارت جنگ بندی کرانے پر امریکی صدر ڈونلڈ ٹرمپ کو نوبل پرائز کیلی نامزد کرنے کی سفارش کی تھی۔
حکومت پاکستان کا کہنا تھا کہ امریکی صدر ٹرمپ کی مؤثر سفارت کاری سے جنگ بندی ممکن ہوئی، انہوں نے دونوں ایٹمی طاقتوں کے درمیان ہونے والی ایسی ممکنہ جنگ کو روکا، جس کے اثرات کروڑوں انسانوں کے لیے انتہائی تباہ کن ہوسکتے تھے۔
ڈونلڈ ٹرمپ کو نوبیل پرائز کیلیے نامزد کیا جائے، حکومت پاکستان
