ماسکو : روس نے کہا ہے کہ اسرائیل کی جانب سے ایران پر حملے بین الاقوامی قوانین کے خلاف ہیں اور یہ دنیا کے امن کے لیے خطرہ بن سکتے ہیں۔
رائٹرز کی رپورٹ کے مطابق روس کی وزارتِ خارجہ نے ایک بیان میں کہا کہ ایران کے جوہری پلانٹس پر اسرائیل کے مسلسل حملے سراسر غیر قانونی ہیں جس سے دنیا میں جوہری جنگ کا خطرہ بڑھ رہا ہے۔
روسی وزیرخارجہ نے اپنے ایک بیان میں ایران پر اسرائیلی حملوں کی سخت الفاظ میں مذمت کرتے ہوئے کہا کہ جوہری پروگرام پر تشویش کا سفارتی حل نکالا جائے۔
ان کا کہنا تھا کہ ایران نے اپنے جوہری توانائی سے متعلق واضح بیانات دیے ہیں اور این پی ٹی کے لیے اپنی وابستگی کی تصدیق بھی کی ہے۔
بیان میں یہ بھی کہا گیا ہے کہ زیادہ تر ممالک اسرائیلی حملوں کی مذمت کررہے ہیں اور صرف چند ممالک یسے ہیں جو محض اپنے فائدے کیلیے اسرائیل کی حمایت کر رہے ہیں۔
روسی وزیرخارجہ نے مزید کہا کہ ایران نے امریکا کے ساتھ بات چیت پر بھی آمادگی ظاہر کی تاکہ جوہری پروگرام کے بارے میں شکوک و شبہات کو دور کیا جا سکے، اس کے علاوہ ایران نے آئی اے ای اے کو جوہری مقامات کے معائنے کی اجازت بھی دی۔
ان کا مزید کہنا تھا کہ اسرائیل نے کبھی بھی اس قسم کے معاہدے پر دستخط نہیں کیے اسرائیل سے متعلق خیال کیا جاتا ہے کہ اس کے پاس جوہری ہتھیار ہیں۔
