تل ابیب: اسرائیل کی حکومت نے ایک بیان میں کہا ہے کہ منگل تک ایران کی جانب سے فائر کیے گئے 400 میزائلوں میں 35 نے اہداف کو ہٹ کیا۔
روسی نیوز ایجنسی طاس اور واشنگٹن پوسٹ کے مطابق گزشتہ روز اسرائیلی وزیر اعظم کے مشیر دمتری گینڈل مین نے ایک بلیٹن میں کہا کہ ایران نے حالیہ کشیدگی کے دوران اسرائیل پر تقریباً 400 میزائل داغے ہیں۔
اسرائیلی حکومت نے کہا کہ ایران کی طرف سے داغے گئے 400 میزائلوں میں سے صرف 35 کا اثر ہوا ہے– یعنی انھیں روکنے میں اسرائیل کی کامیابی کی شرح 90 فی صد سے زیادہ ہے۔ حکومت نے کہا کہ ان حملوں میں 24 افراد ہلاک اور 600 سے زیادہ زخمی ہو چکے ہیں۔
24 گھنٹوں میں ایران نے کتنے میزائل فائر کیے،اسرائیلی فوج کا اہم بیان
بیان میں کہا گیا ہے کہ ’’تقریباً 400 میزائل اور سینکڑوں ڈرونز نے اسرائیلی علاقے کو نشانہ بنایا، حملوں کے بعد تقریباً 35 مختلف مقامات پر میزائل کا ملبہ ریکارڈ کیا گیا۔‘‘
واضح رہے کہ 13 جون کی رات کو اسرائیل نے آپریشن رائزنگ لائن شروع کیا تھا، اسرائیل کا کہنا ہے کہ اس آپریشن کا مقصد ایران کے جوہری پروگرام کا خاتمہ تھا، جس کے بعد ایران نے 24 گھنٹے سے بھی کم وقت میں جواب دیا۔
تہران اسرائیل جنگ سے متعلق تازہ ترین خبریں یہاں پڑھیں
تب سے اب تک روزانہ تل ابیب اور تہران میں میزائل حملوں کا تبادلہ ہو رہا ہے، دونوں فریقوں نے جانی اور مالی نقصان کی اطلاع دی، اور تسلیم کیا ہے کہ متعدد عمارتوں اور تنصیبات کو نقصان پہنچا ہے، تاہم نقصان کو محدود قرار دیا گیا۔
