البرٹا : فرانسیسی صدر ایمانوئل نے کہا ہے کہ ایران میں فوجی کارروائی کے ذریعے حکومت کی تبدیلی کی کوشش سنگین غلطی ہوگی۔
رائٹرز کی رپورٹ کے مطابق میکرون نے مطالبہ کیا کہ دونوں ملکوں کے درمیان جنگ بندی اور ایران کے ساتھ ایٹمی معاہدے پر دوبارہ مذاکرات کیے جائیں۔
انہوں نے ایران کے خلاف فوجی کارروائی کے امریکی منصوبوں سے بھی اختلاف کرتے ہوئے کہا کہ ایران جوہری ہتھیار حاصل نہ کرے لیکن جنگ سے بچنا بھی ضروری ہے۔
فرانسیسی صدر میکرون نے کہا کہ یورپ ایران و اسرائیل سے فوری جنگ بندی کا مطالبہ کرتا ہے، یورپی سفارت کاری کا ہدف ایران اور اسرائیل کو مذاکرات کی میز پر واپس لانا ہے۔
علاوہ ازیں فرانس نے ایران اسرائیل تنازع ختم کرانے کیلئے یورپی سفارتی کوشش کا اعلان کردیا، فرانس نے ایران میں حکومت کی ممکنہ تبدیلی کو اسٹریٹیجک غلطی قرار دیا ہے۔
ایران اسرائیل جنگ سے متعلق تازہ ترین خبریں یہاں پڑھیں
اس حوالے سے فرانسیسی وزارت خارجہ کا کہنا ہے کہ ایران میں حکومت کی تبدیلی ایک سنگین غلطی ہوگی، خطے میں خطرناک کشیدگی کا فوری خاتمہ بہت ضروری ہے۔
انہوں نے کہاکہ ایرانی جوہری پروگرام پر مذاکرات بحال ہونے چاہئیں، مسئلہ عسکری طریقے سے حل نہیں کیا جاسکتا، یورپ ایران پراسرائیل کو سفارت کاری اپنانے پر زور دیتا ہے۔
