تہران: حالیہ اسرائیلی حملے میں ایرانی صوبے لرستان سے تعلق رکھنے والی معروف کراٹے کھلاڑی ہیلینا غولامی شہید ہوگئیں۔
غیر ملکی ذرائع ابلاغ کے مطابق معروف کراٹے کھلاڑی ہیلینا غولامی کی شہادت کی تصدیق ایرانی کراٹے فیڈریشن نے کرتے ہوئے گہرے دکھ اور افسوس کا اظہار کیا ہے۔
رپورٹس کے مطابق اسرائیلی حملے میں شہید ہونے والی غولامی نہ صرف کراٹے کی ماہر کھلاڑی تھیں بلکہ انہیں نوجوانوں کے لیے ایک رول ماڈل کے طور پر بھی جانا جاتا تھا، ان کی شہادت پر ایران بھر میں کھیلوں سے وابستہ حلقوں میں سوگ کی فضا ہے۔
واضح رہے کہ اسرائیل نے ایران کیخلاف 13 جون 2025 کو جارحیت کا آغاز کیا تھا، یہ حملے اس وقت کیے گئے جب ایران اور امریکہ کے درمیان جوہری پروگرام اور یورینیم افزودگی سے متعلق نئے معاہدے پر مذاکرات کئے جارہے تھے۔
رپورٹس کے مطابق ایرانی حکومت کے ترجمان کا کہنا ہے کہ ان حملوں میں اب تک کم از کم 224 افراد شہید ہوچکے ہیں، جن میں 74 خواتین اور بچے شامل ہیں، جبکہ وزارت صحت نے زخمیوں کی تعداد 1,800 سے زائد بتائی ہے۔
ایرانی سپریم لیڈر آیت اللّٰہ علی خامنہ ای کا بڑا بیان:
ایرانی سپریم لیڈر آیت اللّٰہ علی خامنہ ای کا ایران پر اسرائیلی حملوں میں امریکا کی شمولیت کے بعد پہلا بیان منظر عام پر آگیا ہے، صہیونی دشمن کو سخت سزا دینے کا اعادہ کرلیا۔
سماجی رابطے کی ویب سائٹ ایکس پر ایرانی سپریم لیڈر نے اپنے فارسی زبان کے اکاؤنٹس سے پوسٹ شیئر کی جس میں انہوں نے اسرائیل کو سخت سزا دینے کے عزم کا اظہار کیا۔
ایران اسرائیل کشیدگی سے متعلق تمام خبریں
اُنہوں نے ’آپریشن مڈ نائٹ ہیمر‘ پر ردعمل دیتے ہوئے اپنے آفیشل سوشل میڈیا اکاؤنٹ سے پوسٹ شیئر کرتے ہوئے لکھا کہ سزا جاری ہے۔
ایران کے وزیر خارجہ کا روس پہنچنے پر اہم بیان سامنے آگیا
آیت اللہ خامنہ ای نے کہا کہ صہیونی دشمن نے سنگین غلطی کی ہے، ایک بڑا جرم کیا ہے۔ اسے سزا ملنی چاہیے اور اسے اب سزا دی جائے گی۔
