The news is by your side.

Advertisement

امریکہ نےجنگ شروع کی توہم اسےختم کریں گے‘ ایرانی جنرل

تہران : ایرانی جنرل قاسم سلیمانی نے امریکی صدر ڈونلڈٹرمپ کوخبردار کیا ہے کہ ’اگرآپ نے جنگ شروع کی تو ہم اسے ختم کریں گے، آپ جانتے ہیں کہ یہ جنگ آپ کی ہرچیزکوتباہ کردے گی۔‘

تفصیلات کے مطابق ایرانی فوج کے کمانڈر میجرجنرل قاسم سلیمانی کا کہنا ہے کہ اگر امریکہ نے ایران پرحملہ کیا تو امریکہ کے پاس جو کچھ ہے ایران اسے تباہ کردے گا۔

ایرانی فوج کے خصوصی دستوں کے کمانڈر کی جانب سے یہ بیان ڈونلڈ ٹرمپ کی ٹویٹ کے بعد سامنے آیا ہے جس میں انہوں نے کہا تھا کہ امریکہ کو دھمکی مت دینا ورنہ سخت نتائج بھگتنا ہوں گے۔

میجرجنرل قاسم سلیمانی کا کہنا تھا کہ ایک سپاہی ہونے کے ناطے یہ میرا فرض ہے کہ مین ان دھمکیوں کا جواب دوں۔

ایرانی جنرل نے امریکی صدر کو مخاطب کرتے ہوئے کہ صدر حسن روحانی سے نہیں مجھ سے بات کریں یہ ان کا کام نہیں کہ وہ ایسی باتوں کا جواب دیں۔

ایرانی فوج کے کمانڈر نے مزید کہا ہے کہ ہم تمہارے اتنے قریب ہیں کہ تم تصور بھی نہیں کرسکتے، آجاؤ ہم تیار ہیں۔

خیال رہے گزشتہ دنوں ایرانی صدر کا کہنا تھا امریکہ کو یہ سمجھنا چاہیے کہ ایران کے ساتھ امن پرطرح کے امن کی ماں ہے اور ایران کے ساتھ جنگ تمام جنگوں کی ماں ہے۔

ایرانی صدرامریکا کودھمکیاں نہ دیں‘ ڈونلڈ ٹرمپ

بعدازاں امریکی صدرنے حسن روحانی کو مخاطب کرتے ہوئے کہا تھا کہ ایران نے اب امریکہ کو دھمکی دی تو اسے اس کا وہ خمیازہ بھگتنا پڑے گا جس کی تاریخ میں نظیرمشکل سے ہی ملتی ہے۔

واضح رہے کہ ایران اور امریکہ کے درمیان تعلقات 2015 میں ایران سے کیے گئے عالمی جوہری معاہدے سے امریکہ کے رواں سال مئی میں نکلنےکے بعد سے شدید بحران کا شکار ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں