site
stats
عالمی خبریں

ایرانی پولیس کا بے حجاب خواتین کی گاڑیاں ضبط کرنے کا اعلان

تہران: ایران میں خواتین ڈرائیورز کے لئے ایک نئی مشکل پیدا ہوگئی اگر ان کا حجاب ٹھیک طرح سے نہیں ہوا تو ان کی گاڑی ضبط کرلی جائے گی۔

تہران کے ٹریفک پولیس چیف جنرل تیمور حسینی کے مطابق گاڑیوں کی ضبطگی کا عمل قانون کے مطابق کیا جائے گا۔

انہوںنے یہ بھی کہا حجاب کی خلاف ورزی پر جس کی بھی گاڑی ضبط کی جائے گی اس خاتون کو اپنی گاڑی واپس حاصل کرنے کے لئے عدالت سے رجوع کرنا ہوگا۔

واضح رہے کہ ایران میں1979کے اسلامی انقلاب کے بعد خواتین کے لئے حجاب پہنا لازمی قرار دیا گیا تھا۔

گزشتہ کچھ سالوں سے اس قانون پر پابندی میں نرمی برتی جانے لگی تھی اور کئی خواتین تہران کی سڑکوں پر بغیر مکمل اسلامی لباس کے نظر آنے لگیں تھیں۔

ایران کے روشن خیال صدر حسن روحانی نے جون 2013 سے اقتدار میں آنے کے بعد سے کئی سیاسی اورسماجی اصلاحات کی تھیں لیکن تاحال ملک کی سیاسی قیادت قدامت پسند روش پر ہی گامزن ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top