تہران: ایران میں صدارتی انتخابات کے لیے کی گئی پولنگ کے بعد ووٹوں کی گنتی مکمل کرلی گئی، کوئی امیدوار واضح اکثریت حاصل نہ کرسکا۔
غیر ملکی ذرائع ابلاغ کے مطابق ایران میں صدارتی انتخابات کیلئے ووٹوں کی گنتی کاعمل مکمل کرلیا گیا ہے، وزیرداخلہ نے صدارتی انتخابات کیلئے رن آف کا اعلان کر دیا ہے جبکہ صدارتی انتخابات کا دوسرا مرحلہ 5 جولائی کو ہوگا۔
واضح رہے کہ ایرانی صدر ابراہیم رئیسی کی ہیلی کاپٹر حادثے میں حادثاتی موت کے بعد قبل از وقت صدارتی انتخابات کا انعقاد کیا گیا۔
الیکشن کمیشن نے ووٹنگ کو مقامی وقت کے مطابق رات 10 بجے تک بڑھا دیا تھا۔ اس سے قبل، کمیشن نے اعلان کیا تھا کہ ووٹنگ رات 8 بجے تک بڑھا دی جائے گی۔
ڈیموکریٹ کے تحفظات کے باوجود بائیڈن دوبارہ صدر بننے کیلئے بضد
ایرانی میڈیا کا کہنا ہے کہ دو امیدواروں کی دستبرداری کے بعد مقابلہ چار امیدواروں کے درمیان ہوا، مگر کوئی بھی صدارتی امیدوار 50 فیصد سے زیادہ ووٹ حاصل نہ کرسکا جس کے باعث انتخابات کا دوسرا مرحلہ منعقد کرایا جائے گا۔
