ایرانی سپریم کونسل نے جنگ بندی خلاف ورزی کے اسرائیلی دعوے کی تردید کردی ہے۔
ایرانی خبر ایجنس کا کہنا ہے کہ ایران نے جنگ بندی خلاف ورزی کے اسرائیلی دعوے کی تردید کرتے ہوئے کہا ہے کہ جنگ بندی نافذ ہونے کے بعد اسرائیل پر میزائل حملے کی خبر جھوٹی ہے۔
جنگ بندی کی خلاف ورزی کے اسرائیلی دعوے سے متعلق ایران کی سپریم نیشنل سیکورٹی کونسل نے جاری بیان کہا ہے کہ اسرائیل کی جانب سے سیز فائر کے بعد میزائل حملے کی خبر جھوٹ ہے۔
#BREAKING
Iran’s Supreme National Security Council’s statement on the ceasefire:Awareness, solidarity, resistance, and unique unity of the people shattered the enemy’s main strategy and provided an opportunity for the steadfastness and amazing strength of warriors of Islam pic.twitter.com/BqI0xiBB72
— Tehran Times (@TehranTimes79) June 24, 2025
یاد رہے کہ چند گھنٹے قبل اسرائیلی میڈیا نے کہا تھا کہ جنگ بندی نفاذ کے چند گھنٹوں بعد ایران کی جانب سے اسرائیل پر میزائل حملہ کیا گیا ہے تاہم میزائل کو اسرائیلی دفاعی نظام نے مار گرایا ہے۔
اسرائیلی فوج نے یہ دعویٰ کیا تھا کہ یہ میزائل ایران کی جانب سے داغے گئے ہیں، دوسری جانب اسرائیلی وزیر دفاع نے بھی ایران پر سیز فائر کی خلاف ورزی کا الزام عائد کرتےہوئے کہا کہ فوج کو ایران پر حملے کا حکم دے دیا گیا ہے۔
ایران اسرائیل کشیدگی سے متعلق تمام خبریں
واضح رہے کہ جوہری تنصیبات پر امریکی حملے کے جواب میں ایران نے قطر میں امریکا کے بڑے فوجی اڈے پر میزائل ڈاغے جس کے چند گھنٹے بعد ڈونلڈ ٹرمپ نے دعویٰ کیا کہ ایران اور اسرائیل جنگ بندی پر رضامند ہوگئے ہیں۔
امریکی صدر نے سوشل میڈیا پر جاری پیغام میں لکھا کہ اسرائیل اور ایران جنگ بندی پر اتفاق ہوگیا ہے، دونوں ملک باقاعدہ جنگ کے خاتمے کا اعلان کریں گے۔
