ایران نے امریکی صدر ڈونلڈ ٹرمپ کے اس دعوے کو مسترد کیا ہے جس میں کہا گیا کہ ایران وائٹ ہاؤس میں ملاقات کی خواہش رکھتا ہے۔
امریکی صدر ڈونلڈ ٹرمپ نے میڈیا سے گفتگو کرتے ہوئے کہا کہ ایران اب بات کرنا چاہتا ہے پہلے جب موقع تھا کیوں بات نہیں کی، اب بات کرنے پیغام بھجوایا ہے میں نے جواب دیا بہت دیر ہوگئی ہے۔
انہوں نے کہا کہ ایران کے لیے آج بھی یہی پیغام ہے کہ غیر مشروط سرنڈر کردے۔
ٹرمپ کے دعوے کو مسترد کرتے ہوئے ایرانی مندوب نے کہا کہ کسی ایرانی عہدیدار نے وائٹ ہاؤس میں ملاقات کی درخواست نہیں کی، سپریم لیڈر کو نشانہ بنانےکی دھمکی جھوٹ سےبھی زیادہ قابل نفرت ہے۔
ایرانی مندوب نے کہا کہ ہم دباؤ میں نہ مذاکرات کرتے ہیں نہ امن قبول کرتے ہیں پرانے جنگی جنونی کی بقا کی کوشش کو اہمیت نہیں دیتے، ہر دھمکی کا جواب دھمکی سے اور ہر اقدام کا جواب مؤثر ردعمل سے دیں گے ہماری خودمختاری اور قیادت کیخلاف کسی اقدام کا سختی سےجواب دیا جائے گا۔
