تہران: ایران نے کروناوائرس سے لڑنے کے لیے عالمی مالیاتی ادارے(آئی ایم ایف) سے مدد مانگ لی۔
غیرملکی خبررساں ادارے کی رپورٹ کے مطابق آئی ایم ایف کی خاتون چیئرمین کرسٹینا کا کہنا ہے کہ قرضوں سے متعلق خصوصی پروگرام کے ذریعے ان ممالک کی مالی مدد کی جائے گی جو مہلک وائرس سے متاثر ہیں۔
اسی ضمن میں ایران نے عالمی مالیاتی فنڈ سے فوری طور پر مالی مدد طلب کی ہے تاکہ کروناوائرس سے جلد نمٹا جاسکے، جان لیوا وائرس سے چین کے سب سے زیادہ متاثر ہونے والوں ملکوں میں ایران بھی شامل ہے۔
ایران کے سینٹرل بینک کے گورنر عبد النصیر کا کہنا ہے کہ آئی ایم ایف سے تقریباً 5 بلین ڈالر مدد کی درخواست کی ہے۔ خیال رہے کہ امریکی اور عالمی پابندیوں کے باعث ایرانی معیشت شدید متاثر ہے۔
خیال رہے کہ ایران میں آج کروناوائرس کے مزید 75 کیسز سامنے آئے ہیں جس کے بعد مریضوں کی مجموعی تعداد 10 ہزار ہوچکی ہے۔ جبکہ مہلک وائرس سے 429 افراد ہلاک بھی ہوئے۔
