The news is by your side.

Advertisement

ایٹمی پروگرام معاہدے میں اقوام متحدہ کو ملوث کرنے پر ایران کی دھمکی

تہران: ایرانی وزیر خارجہ کا کہنا ہے کہ یورپی ممالک کو اپنا نامناسب رویہ بدلنا ہوگا، فائل سلامتی کونسل کو بھجوائی تو این پی ٹی چھوڑ دیں گے۔

تفصیلات کے مطابق ایٹمی پروگرام معاہدے میں اقوام متحدہ کو ملوث کرنے پر ایران نے دھمکی دیتے ہوئے کہا کہ ایٹمی ہتھیاروں سے متعلق فائل یواین کو نہیں بجھوائی جانی چاہیئے۔

ایرانی وزیر خارجہ جواد ظریف نے کہا کہ یورپی ممالک کو اپنا نامناسب رویہ بدلنا ہوگا، فائل سلامتی کونسل کو بھجوائی تو این پی ٹی چھوڑ دیں گے۔

اس سے قبل ایران کے پارلیمانی اسپیکر علی لاریحانی نے خبردار کیا کہ اگر یورپی ممالک نے ایران کے خلاف تنازعات کے حل کے لیے غیرمنصفانہ میکنزم نافذ کیا تو اس کے سنگین نتائج نکل سکتے ہیں۔

میزائل استعمال نہیں کرنا چاہتے، ایران جوہری منصوبے سے دستبردار ہوجائے، ٹرمپ

یاد رہے کہ رواں ماہ 8 جنوری کو امریکی صدر ڈونلڈ ٹرمپ کا کہنا تھا کہ ایران کو جوہری منصوبے سے دستبردار ہونا پڑے گا، میں جب تک امریکا کا صدر ہوں ایران ایٹمی طاقت نہیں بن سکتا۔

امریکی صدر کا کہنا تھا کہ اوباما دور میں ایران کو پیسے ملے اور اس نے میزائل بناکرہم پرحملہ کیا، ہم اپنےزبردست مہلک ہتھیا راستعمال نہیں کرناچاہتے مگر ایران کو جوہری منصوبے سے دستبردار ہونا پڑے گا۔

fb-share-icon0
Tweet 20

Comments

comments

یہ بھی پڑھیں