پاسداران انقلاب کے سنیئر کمانڈر محسن رضائی کا کہنا ہے ہم نے اپنی حقیقی صلاحیت کا 30 اور پوشیدہ صلاحیت کا صرف 5 فیصد سے بھی کم استعمال کیا۔
غیر ملکی میڈیا رپورٹ کے مطابق پاسداران انقلاب کے سنیئر کمانڈر محسن رضائی نے اپنے بیان میں کہا کہ ایران نے آپریشن وعدہ صادق سوم کے تحت اسرائیل پر 400 میزائل اور 600 ڈرون داغے ہیں۔
ایرانی رہنما نے دعویٰ کیا کہ ایرانی حملوں میں 50 اسرائیلی ہلاک اور 2 ہزار سے زائد زخمی ہوئے ہیں اور یہ حملہ ایرانی فوجی طاقت کا صرف محدود حصہ ظاہر کرتا ہے۔
انہوں نے کہا کہ ایران نے اپنی حقیقی صلاحیت کا 30 فیصد سے بھی کم استعمال کیا ہے جب کہ ایران نے اپنی پوشیدہ صلاحیت کا 5 فیصد سے بھی کم استعمال کیا ہے۔
محسن رضائی نے کہا کہ کسی نے تصور نہیں کیا تھا کہ چار تہوں والی اسرائیلی فوجی مراکز کو ایرانی میزائل تباہ کردینگے مگر ایرانی میزائلوں نے ایسا کر دکھایا ہے۔
انہوں نے مزید کہا کہ اسرائیلی حکام نے ایران کے خلاف حملے شروع کرکے ایک سنگین غلطی کی ہے، اسرائیل نے فرض کر لیا تھا کہ ایرانی مسلح افواج کے سینئر کمانڈروں کی شہادت کے بعد ایران بے بس ہوجائے گا، لیکن ہم نے اس کے برعکس کر دیکھا ہے۔
