ایران نے دعویٰ کیا ہے کہ ایرانی ایئرڈیفنس سسٹم نے 2 اسرائیلی طیارے مار گرائے ہیں۔
الجزیرہ کی رپورٹ کے مطابق اسرائیل نے ایرانی ایئر ڈیفنس سسٹم کی جانب سے 2 طیارے مار گرانے اور خاتون پائلٹ کے گرفتار ہونے کی تردید کردی ہے۔
رائٹرز کی رپورٹ کے مطابق ایرانی سینئر اہلکار نے کہا ہے کہ اسرائیل میں کوئی مقام بھی محفوظ نہیں رہے گا ہمارا بدلہ تکلیف دہ ہوگا۔
اہلکار نے کہا کہ اسرائیل ہمارے کمانڈروں، سائنسدانوں اور لوگوں کو مارنے کی بھاری قیمت ادا کرے گا۔
اسرائیلی فوج کا کہنا ہے کہ ایران نے اسرائیل پر میزائل کا دوسرا بیراج فائر کردیا ہے۔
ایران نے اسرائیل کے خلاف آپریشن کا نام ’وعدہ صادق 3‘ رکھ دیا ہے، ایرانی پاسداران انقلاب کا کہنا ہے کہ اسرائیلی ظالمانہ حملوں کے جواب میں پوری طرح تیار ہیں۔
پاسداران انقلاب کا کہنا ہے کہ ایرانی قوم کے مطالبے اور حمایت پر کارروائی کا آغاز کیا ہے۔
یہ پڑھیں: ایران نے اسرائیل پر جوابی حملہ کردیا
ایرانی میڈیا کا کہنا ہے کہ دشمن کو کچلنے والا ردعمل شروع ہوچکا ہے، صیہونی حکومت کے وحشیانہ حملے کا فیصلہ کن جواب شروع کردیا ہے۔
سپریم لیڈر آیت اللہ خامنہ کے مطابق اسرائیل نے جنگ شروع کی ہے اب جواب بھی ملے گا، صیہونی حکومت اپنے جرم کے نتائج سے محفوظ نہیں رہے گی۔
ان کا کہنا ہے کہ ایرانی قوم کو یقین دلاتا ہوں ہمارا جواب ادھورا نہیں ہوگا۔
