ایرانی فوج کے سربراہ نے اعلان کیا ہے کہ اسرائیل پر اب خطرناک حملے ہوں گے۔
ایرانی فوج کے سربراہ جنرل عبدالرحیم موسوی کا کہنا ہے کہ اسرائیل پر اب تک حملے وارننگ تھے، اسرائیل کے لیے اصل سزا کا وقت قریب ہے۔
ایرانی چیف آف اسٹاف نے کہا ہے کہ اب تک جارحیت روکنے کے لیے کارروائیاں کی گئیں۔
انہوں نے کہا کہ اسرائیل کے لیے اصل جواب ابھی باقی ہے۔
وزارت کے ترجمان بریگیڈیئر جنرل رضا طلائی نے کہا کہ آج کے حملے میں ہم نے ایسے میزائل نصب کیے جو ٹریک یا روکے نہیں جاسکتے تھے۔
ایران اسرائیل جنگ سے متعلق تازہ ترین خبریں
انہوں نے کہا کہ میزائل حملے میں ملٹری انٹیلی جنس مرکز اور موساد کے آپریشنز پلاننگ سینٹر کو نشانہ بنایا گیا۔
ان کا کہنا ہے کہ صیہونی حکومت طویل جنگ کا مقابلہ نہیں کرسکتی۔
ایرانی وزارت خارجہ کا کہنا ہے کہ یورپی یونین اسرائیل کی صفائیاں پیش کررہی ہے، ترجمان اسماعیل بغائی کی یورپی یونین کی خارجہ پالیسی چیف کایا کالاس پر تنقید کی اور کہا کہ جارح کا وکیل نہ بنیں حقیقت دیکھیں اور صورتحال سمجھیں۔
ترجمان کا کہنا ہے کہ ایران کا ایٹمی پروگرام پرامن، آئی اے ای اے کی سخت نگرانی میں ہے۔
