امریکی اخبار کی جانب سے یہ دعویٰ کیا جارہا ہے کہ لبنان میں ہونے والے پیجر ڈیوائسز کے دھماکوں میں ایران کے سفیر مجتبیٰ عمانی ایک آنکھ سے محروم ہو گئے۔
بین الاقوامی خبر رساں ادارے کی رپورٹ کے مطابق امریکی اخبار کا کہنا ہے کہ ایرانی سفیر کی دوسری آنکھ شدید متاثر ہوئی ہے۔ جبکہ انہیں علاج کے لیے تہران منتقل کیا جائے گا۔
غیر ملکی میڈیا کے مطابق پیجر حملے میں بڑی تعداد میں حزب اللہ کے اراکین کی آنکھیں ضائع ہوئی ہیں۔
ایرانی سفیر کی آنکھ ضائع ہونے کی بات لبنان میں ایرانی سفارت خانے کی جانب سے مسترد کر دی گئی ہے۔
ایرانی سفارت خانے کے مطابق ایرانی سفیر کی آنکھ ضائع ہونے کی اطلاعات غلط ہیں، وہ صرف زخمی ہوئے ہیں، ان کا علاج ہو رہا ہے تاہم آنکھ ضائع ہونے کی بات میں صداقت نہیں۔
دوسری جانب لبنان میں پیجرز ڈیوائس میں دھماکوں کے بعد حزب اللہ نے اسرائیل کو ذمہ قرار دیتے ہوئے بدلہ لینے کا اعلان کردیا۔
حزب اللہ نے رد عمل دیتے ہوئے کہا ہے کہ اسرائیل کو غیر متوقع ایسا جواب دیا جائیگا ممکن ہے ان کو اندازہ تک نہ ہو۔
لبنانی میڈیا کا کہنا ہے کہ پیجرز ڈیوائس میں دھماکے بیٹری پھٹنے سے نہیں ہوئے، دھماکے بم کی وجہ سے ہوئے ہیں، پیجرز ڈیوائس امریکی کمپنی کے ہیں،مزیدتحقیقات شروع کردی گئی ہیں۔
ایئر فرانس نے بیروت اور تل ابیب کیلئے پروازیں معطل کردیں
شامی مانیٹرنگ گروپ کے مطابق شام میں بھی پیجرز ڈیوائس میں دھماکوں کے باعث 14 حزب اللہ ارکان زخمی ہوئے ہیں، شام میں پیجرز ڈیوائس حزب اللہ ارکان کے کنٹرول میں تھے جن میں دھماکے ہوئے۔
