ماسکو : ایرانی وزیر خارجہ عباس عراقچی روسی صدر ولادیمیر پیوٹن سے ملاقات کے لیے ماسکو پہنچ گئے۔
اے آر وائی نیوز کی رپورٹ کے مطابق ایرانی وزیر عباس عراقچی کی روسی صدر ولادیمیر پیوٹن سے ملاقات متوقع ہے۔
گزشتہ روز استنبول میں پریس کانفرنس کرتے ہوئے عباس عراقچی کا کہنا تھا کہ روس ایران کا دوست ہے اور ہمارے درمیان اسٹریٹجک شراکت داری قائم ہے۔
انہوں نے کہا تھا کہ وہ جلد ماسکو روانہ ہوں گے، جہاں وہ روسی صدر ولادیمیر پیوٹن سے خصوصی ملاقات کرکے موجودہ صورتحال کے تناظر میں سنجیدہ مشاورت کریں گے۔
ایران، اسرائیل اور امریکی تنازع سے متعلق تمام خبریں جاننے کے لیے کلک کریں
ان کا کہنا تھا کہ ہم ہمیشہ ایک دوسرے سے مشاورت کرتے ہیں اور اپنے مؤقف کو ہم آہنگ کرتے ہیں، انہوں نے اس بات پر بھی زور دیا کہ روس 2015 کے جوہری معاہدے پر دستخط کرنے والے ممالک میں شامل تھا۔
مزید پڑھیں : نتائج کی ذمہ داری اب امریکا پر ہوگی، ایرانی وزیر خارجہ
وزیر خارجہ عباس عراقچی نے ترکیہ کے دورے کے موقع پر ایرانی جوہری تنصیبات پر امریکی حملے کی مذمت کرتے ہوئے اس کو اقوام متحدہ کے چارٹر اور بین الاقوامی قوانین کی خلاف ورزی قرار دیا اور کہا کہ ٹرمپ نے ہم سے دھوکا کیا، اب نتائج کی ذمہ داری امریکا پر ہوگی۔
دنیا کے لیے ایران کا جوہری خطرہ ختم کر دیا، اسرائیل اب زیادہ محفوظ ہے، ٹرمپ
