ایران کا بحری جہاز کویت کے علاقائی سمندر میں ڈوب گیا ہے جس کے باعث 3 افراد کے ہلاک ہونے کی اطلاعات ہیں۔
عرب میڈیا کے مطابق ایرانی حکام نے اس حوالے سے بتایا کہ ایرانی بحری جہاز میں 6 افراد پر مشتمل عملہ موجود تھا جبکہ کچھ انڈین بھی تھے۔
کویتی امدادی ٹیم نے 3 افراد کی لاشیں نکال لی ہیں جبکہ باقی افراد کی تلاش کا عمل جاری ہے۔
دوسری جانب وائٹ ہاؤس کی قومی سلامتی کے ترجمان جان کربی نے کہا ہے کہ اگر ایران نے اسرائیل پر حملہ کیا تو امریکہ اسرائیل کے دفاع کے لیے بھرپور ساتھ دے گا۔
انہوں نے کہا کہ حملے کے امکان کے حوالے سے کوئی پیش گوئی کرنا مشکل ہے تاہم وائٹ ہاؤس ایران کے مؤقف کو سنجیدگی سے لے رہا ہے۔
ان کا کہنا تھا کہ ایران کے لیے ہمارا پیغام پہلے بھی یہی تھا اور یہی رہے گا کہ ایسا نہ کریں اس مسئلے کو طول دینے کی کوئی وجہ نہیں ہے، اور اگر ایسا ہوا تو اسرائیل کے دفاع کے لیے تیار ہوں گے، اسی وجہ سے ہم نے خطے میں اپنی افواج میں اضافہ کر دیا ہے۔
ٹرینی ڈاکٹر زیادتی و قتل، مقتولہ کے والدین کا اہم انکشاف
مذاکرات میں تعطل کے لیے کسی بھی فریق کو ذمہ دار ٹھہرانے سے انکار کرتے ہوئے جان کربی کا کہنا تھا کہ معاہدے کے لیے اسرائیل اور حماس کی جانب سے سمجھوتہ کی ضرورت ہے تاہم فریقین ابھی بھی مصروف عمل ہیں اور یہ ایک اچھی بات ہے۔
