ایرانی زائرین کی پہلی پرواز عمرے کیلئے کب سعودی عرب روانہ ہوگی اس حوالے سے اہم فیصلہ کرلیا گیا ہے۔
بین الاقوامی خبر رساں ادارے کی رپورٹ کے مطابق ایرانی حج آرگنائزیشن کے سربراہ عباس حسینی کا اس حوالے سے کہنا ہے کہ ایرانی عمرہ زائرین کی پروازیں آئندہ منگل سے بحال کر دی جائیں گی۔
عمرہ پروازیں بحال کرنے کا فیصلہ سعودی وزارت حج اور ایرانی حج آرگنائزیشن کے درمیان مشاورت کے بعد سامنے آیا ہے، اس سلسلے میں مفاہمت کی یادداشت اور ضروری معاہدوں پر دستخط کیے گئے ہیں۔
آکاز نے ایرانی خبر رساں ایجنسی کو بتایا کہ پریس کانفرنس میں ان کا کہنا تھا کہ 550 ایرانی زائرین کا پہلا قافلہ منگل 19 دسمبر کو سعودی عرب کے لئے روانہ ہوجائے گا۔
سعودی عرب میں 10 لاکھ نئی ملازمتیں ۔۔۔
انہوں نے کہا کہ عازمین سعودی عرب میں ’طے شدہ پروگرام کے مطابق 10 روز قیام کریں گے‘۔ وہ پانچ دن مدینہ اور پانچ دن مکہ مکرمہ میں رہیں گے۔
واضح رہے کہ رواں سال کے آخر تک 70 ہزار ایرانی عمرہ زائرین سعودی عرب پہنچ کر عمرے کی ادائیگی کریں گے۔
