بغداد: عراق میں سارہ عمار العبودی نامی ایک خاتون ڈاکٹر کے المناک قتل کی ویڈیو پر ملک بھر میں غم و غصے کی لہر دوڑ گئی ہے۔
العربیہ کے مطابق عراق میں ایک یونیورسٹی کے پروفیسر نے اپنی خاتون ساتھی ڈاکٹر سارہ عمار العبودی کو سڑک پر گولی مار کر قتل کر دیا، اس واقعے کی ویڈیو سوشل میڈیا پر وائرل ہونے کے بعد ملک بھر میں غم و غصے کی لہر دوڑ گئی۔
سارہ العبودی بصرہ یونیورسٹی کی کالج آف ایجوکیشن میں ملازمت کر رہی تھیں، بصرہ کے گورنر اسعد العیدانی نے بدھ کو کہا کہ قاتل ڈاکٹر سارہ کے بچوں کا چچا ضرغام التمیمی ہے، اور جرم کے 12 گھنٹے سے بھی کم وقت میں مجرم کو گرفتار کر لیا گیا ہے۔
#سارة_عمار
⭕في البداية انهال عليها طعنا بالسكاكين وعندما ظلت واقفة اخرج الكاتم واطلق رصاصة في راسها
⭕وعندما سقطت لم يكتفي بل أطلق صاصات اخرى في راسها
⭕هل تعرفون السبب؟ لمجرد انها كانت على خلاف معه
⭕وزارة نعيم العبودي تخّرج منها أستاذ يغتصب الطالبات وآخر يقتل بكاتم#العراق pic.twitter.com/dHBi2zkVkg— Bassim Alkhazraji (@AlKhazraji_75) November 27, 2024
مانیٹرنگ کیمرے میں ریکارڈ ہونے والے مناظر میں دیکھا جا سکتا ہے کہ قاتل نے ابو الخصب کے دور دراز علاقے میں پستول سے کئی گولیاں مار کر ہلاک کیا، گولی مارنے سے قبل ملزم کو مقتولہ سے تکرار کرتے بھی دیکھا جا سکتا ہے، جس سے لگتا ہے کہ دونوں میں گرما گرم بحث ہوئی تھی۔
