The news is by your side.

Advertisement

عراق نے 43 سال بعد اپنی ’ملکہ حسن‘ منتخب کرلی

بغداد: عراق میں 43 سال بعد منعقد ہونے والے مقابلہ حسن کا تاج کرکوک کی حسینہ کے سرپرسج گیا۔

تفصیلات کے مطابق عراق کے دارالحکومت بغداد میں 1972 کے بعد پہلا مقابلہ حسن بغداد ہوٹل کے بال روم میں منعقد ہوا۔

مقابلہ حسن کے ججز نے فیصلہ عراقی شہرکرکوک سے تعلق رکھنے والی سبزسحرانگیزآنکھوں کی مالک 20 سالہ دوشیزہ شائمہ عبدالرحمان  کے حق میں دیا۔.

اس موقع پرمقابلے میں موجود حاضرین بالخصوص نوجوانوں نے ججزکے انتخاب خوب داد دی اورشائمہ کے نام کے نعرے لگاتےہوئےآسمان سرپراٹھالیا تھا۔

نومنتخب عراقی ملکہ حسن نے فرانسیسی خبررساں ادارے سے گفتگو کرتے ہوئے کہا کہ ’’ مجھے خوشی یے کہ عراق آگے جارہا ہے اس ایونٹ نے عراقی عوام کو مسکرانے کا ایک نیا موقع فراہم کیا ہے‘‘۔

خیال کیا جارہا ہے کہ عراق کی نو منتخب ملکہ حسن کو اگلے ملکہ عالم مقابلے میں شرکت کے لئے بھیجا جائے گا۔

اس موقع پر اس ایونٹ کے ڈائریکٹر سنان کامل کا کہنا تھا کہ ’’ہمیں خوشی ہے کہ ہمیں عراق کی نمائندگی کے لئے ایک خوبصورت چہرہ مل گیا ہے۔

انہوں مزید کہا کہ ہم چاہتے ہیں کہ عراق کی آواز دنیا میں سنی جائے، دنیا یہ بات جانے کہ ہمارے دل دھڑکتے ہیں اورہم ابھی بھی زندہ ہیں۔

Print Friendly, PDF & Email

Comments

comments

یہ بھی پڑھیں