site
stats
عالمی خبریں

عراق سےاغوا ہونے والےقطری شکاری 16ماہ بعد رہا

بغداد: عراقی حکام کاکہناکہ مسلح افراد نے 16ماہ قبل اغوا ہونے والے قطری شکاریوں کو آزاد کردیاہےجن میں شاہی خاندان کے ارکان بھی شامل ہیں۔

تفصیلات کےمطابق عراقی حکام کاکہناہےکہ دسمبر 2015میں 26قطری شکاریوں کوناصریہ صوبے میں سعودی سرحد کےقریب سے مسلح افراد نے اغوا کیاتھا۔

قطری شہریوں کی بازیابی کے لیے ایک بڑی کارروائی کی گئی تھی تاہم انہیں اغوا کرنے والےگروپ کے بارے میں زیادہ معلومات سامنے نہیں آسی تھیں۔

خیال رہےکہ گزشتہ روزعراقی حکام نے بتایا کہ قطری گروپ واپس قطر کےدارالحکومت دوحا پہنچ گیا ہے۔


سعودی سرحد کے قریب صحرائی علاقے سےقطری شہری اغوا


بغداد کےایئر پورٹ پرویڈیو میں قطر ایئر ویز کےایک جہاز میں قطری شکاریوں کے سوار ہوتے ہوئے دیکھا جا سکتا ہے جبکہ اس ویڈیو کے منظر عام پر آنے کے کچھ دیربعد سرکاری میڈیا نے جہاز کے دوحا لینڈ کرنے کی تصدیق کی۔

قطری شکاریوں کی رہائی چند دن پہلے شام میں فریقین کے درمیان چار علاقوں سے عام شہریوں کے انخلا کے لیے ہونے والے معاہدے کے نتیجے میں عمل میں آئی ہے۔

واضح رہےکہ برطانوی اخبار کی ایک رپورٹ کے مطابق قطری شکاری ایک عراقی ملیشیا کی قبضے میں تھے اور اس ملیشیا کے شامی حکومت کے بڑے حامی ایران اور حزب اللہ سے قریبی تعلقات ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top