عراق میں امریکی فوجی اڈے عین الاسد پر راکٹ حملہ کیاگیا جس کے سبب ائیر بیس میں دھماکے کی آواز سنائی دیں۔
خبر رساں ایجنسی کے مطابق رپورٹ کے مطابق ایک دھماکے کی آواز ایئر بیس کے اندر ہی سنی گئی، عین الاسد بیس پر مسلسل تین دن گولہ باری کی گئی۔
یاد رہے کہ چند روز قبل بھی شام اور عراق میں امریکی فوجی تنصیبات کو نشانہ بنایاگیا تھا، بیس اکتوبر کی رات کو اڈے پر ڈرونز اور راکٹوں سے حملہ کیا گیا، اندر سے متعدد دھماکوں کی آوازیں سنی گئیں، اور اگلے دن دو ڈرونز سے حملہ کیا گیا۔
واضح رہے کہ اسرائیل کی جانب سے غزہ پر زمینی اور فضائی حملے کیے جارہے ہیں جس سے اب تک شہید فلسطینیوں کی تعداد 4 ہزار 385 تک جاپہنچی ہے۔
