تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

عراقی فن کار نے حیران کن کارنامہ انجام دے دیا

عراق کے ایک آرٹسٹ نے دھاگوں اور کِیلوں کی مدد سے دنیا کا سب سے بڑا فن پارہ بنا لیا ہے۔

عراقی مصور، سعید ہویدی صرف دھاگوں اور میخوں کا استعمال کرتے ہوئے ایک عرب خاتون کی دل کش تصویر کھینچنے میں کامیاب ہو گئے، اور اس طرح انھوں نے دنیا میں دھاگے اور کیلوں کے سب سے بڑے فن پارے کا گنیز ورلڈ ریکارڈ کا اعزاز حاصل کر لیا۔

گنیز بک آف ورلڈ ریکارڈز نے ان کے کارنامے کو تسلیم کرتے ہوئے اس کا اندراج کر لیا ہے، الامارات الیوم کے مطابق اس فن پارے میں 500 کیلیں اور 6637 میٹر طویل دھاگا استعمال کیا گیا ہے۔

گنیز ورلڈ ریکارڈز نے اس ریکارڈ کو تسلیم کرنے کے لیے سخت معیارات طے کیے ہیں، خاص طور پر مطلوبہ تصویر بنانے کے لیے ایک مسلسل دھاگے کا استعمال کیا جانا ضروری ہے، عراقی مصور نے تصویر کے لیے 6.3 مربع میٹر (تقریباً 67 اسکوائر فٹ اور 20 انچ) طویل دھاگا استعمال کیا۔

فن پارے میں استعمال کیے جانے والے دھاگے کی لمبائی افریقہ کے مشہور کیلیمنجارو پہاڑ کی اونچائی سے زیادہ تھی، یا یہ دبئی کے مشہور برج الخلیفہ کی اونچائی سے 8 گنا زیادہ تھی۔

اس فن پارے میں لُجینہ صلاح نامی مصری خاتون کے دلکش چہرے کے نقوش اجاگر کیے گئے ہیں، جو عرب دنیا اور آج پوری دنیا میں برص مرض کے بارے میں شعور اجاگر کرنے کی کوشش کر رہی ہیں۔

فن پارے میں سفید اور سیاہ رنگ استعمال کیے گئے ہیں، اور ان رنگوں کے ذریعے عراقی آرٹسٹ نے ’برص‘ نامی بیماری کو نئے انداز سے پیش کرنے کی کوشش کی ہے۔

انھوں نے اپنے فن پارے کے ذریعے دنیا بھر میں ’برص‘ کے مریضوں کے لیے انسانیت نواز پیغام بھیجنے کی فن کارانہ کوشش کی۔

Comments

- Advertisement -