اسلام آباد : ن لیگی رہنما عرفان صدیقی نے دو ٹوک مؤقف میں کہا کہ ہماری طرف سےاب مذاکرات کی پیشکش نہیں ہوگی۔
تفصیلات کے مطابق مسلم لیگ ن کے سینیٹر عرفان صدیقی نے بیان میں کہا کہ پی ٹی آئی کومذاکرات کی پیشکشوں،ناز نخروں کازمانہ گزر گیا، اب اُس کی عرضیوں کا زمانہ شروع ہوچکاہے.
ن لیگی سینیٹر نے دو ٹوک مؤقف اختیار کیا کہ ہماری طرف سےاب مذاکرات کی کوئی پیشکش نہیں ہوگی، پی ٹی آئی جب مذاکرات کے لیے آئے گی تو ہم دیکھیں گے.
ان کا کہنا تھا کہ پی ٹی آئی ایک عرضی لے کر ۔ چوروں اور ڈاکوؤں۔ کے دروازوں پر بھی آجائے۔ جس طرح وہ آرمی چیف کے نام ڈال رہی ہے۔ ہمارے دروازے پہلے بھی کھلے تھے، اب بھی کھلے ہیں۔
رہنما پی ٹی آئی کے بیانات کے حوالے سے ن لیگی رہنما نے کہا کہ دسمبرمیں پی ٹی آئی حکومت بننے کے خواب دیکھنے پر کوئی پابندی نہیں، پی ٹی آئی کے لیڈر خود بھی خواب دیکھ رہے ہیں کارکنوں کو بھی دکھا رہے ہیں۔
ان کا مزید کہنا تھا کہ دسمبر بھی گزر جائے گا پھر 2025 شروع ہو جائے گا کچھ نہیں ہونے والا، حکومت ان شاءاللہ 5 سال پورے کرے گی۔
