2018 میں اسلام قبول کرنے والی آئرلینڈ کی گلوکارہ شنیڈ او کونر 56 برس کی عمر میں انتقال کر گئیں۔
میڈیا رپورٹس کے مطابق گلوکارہ شنیڈ او کونر کے انتقال کی خبر ان کے ایک قریبی دوست کی جانب سے میڈیا کو دی گئی تاہم اچانک وفات پا جانے کی وجہ اب تک معلوم نہیں ہو سکی۔
گلوکارہ کے دوست کی جانب سے جاری کیے گئے بیان میں کہا گیا کہ انتہائی دکھ اور افسوس کے ساتھ کہنا پڑ رہا ہے کہ شنیڈ او کونر اب اس دنیا میں نہیں رہیں۔ ’گلوکارہ کے اہل خانہ اور دوست احباب اس مشکل وقت میں رازداری کا خیال رکھنے کی درخواست کرتے ہیں۔
آئرلینڈ کے وزیر اعظم لیو وراڈکر نے شنیڈ او کونر کے انتقال کی خبر پر افسوس کا اظہار کیا۔ انہوں نے ٹوئٹر پر جاری اپنے بیان میں کہا کہ شنیڈ او کونر کی وفات کا سن کر بہت دکھ ہوا، ان کے میوزک کو دنیا بھر میں پسند کیا جاتا تھا۔
وزیر اعظم لیو وراڈکر نے بیان میں کہا کہ میں گلوکارہ کے اہل خانہ، دوستوں اور اس کی موسیقی سے محبت کرنے والے تمام لوگوں سے تعزیت کرتا ہوں۔
Really sorry to hear of the passing of Sinéad O’Connor.
Her music was loved around the world and her talent was unmatched and beyond compare.
Condolences to her family, her friends and all who loved her music.
Ar dheis Dé go Raibh a hAnam. https://t.co/JVHxz7Kv2Z
— Leo Varadkar (@LeoVaradkar) July 26, 2023
کینیڈین موسیقار برائن ایڈمز نے خبر پر ردعمل دیتے ہوئے کہا کہ شنیڈ او کونر کی روح کو سکون ملے، گلوکارہ کے ساتھ کام اور تصاویر بنوا کر بہت لطف اندوز ہوا تھا۔
علاوہ ازیں شنیڈ او کونر کے دنیا بھر میں موجود مداح بھی گلوکارہ کے انتقال پر دکھی ہیں۔
RIP Sinéad O'Connor, I loved working with you making photos, doing gigs in Ireland together and chats, all my love to your family. pic.twitter.com/49ryuIhGTQ
— Bryan Adams (@bryanadams) July 26, 2023
