The news is by your side.

Advertisement

گرتا ہوا لوہے کا دروازہ اور بال بال بچنے والا بائیکر، دل دہلا دینے والی ویڈیو

سوشل میڈیا پر وائرل ایک حیرت انگیز ویڈیو میں دیکھا جاسکتا ہے کہ کس طرح ایک موٹر سائیکل سوار لوہے کے بھاری بھرکم گیٹ کے گرتے ہوئے اس کے نیچے سے بحفاظت نکل گیا۔

یہ واقعہ ویتنام میں پیش آیا جہاں دو سی سی ٹی وی کیمروں کی فوٹیج سوشل میڈیا پر وائرل ہورہی ہے۔

ویڈیو میں دیکھا جاسکتا ہے کہ ایک پتلی سی گلی میں ایک شخص گاڑی سے اترا اور گھر کے سامنے کھڑی کر کے گھر کے اندر جانے لگا۔

جب وہ گھر کا لوہے کا دروازہ بند کرنے لگا تو اسی وقت دروازہ ٹوٹ کر دو حصوں میں تقسیم ہوگیا، ابھی جب وہ شخص اسے سنبھالنے کی کوشش کر ہی رہا تھا تو اچانک ایک بائیک سوار تیزی سے وہاں آن پہنچا اور گرتے گیٹ کے نیچے سے گزرتے ہوئے اضطراری طور پر ایک طرف جھکا۔

گھر کے مالک نے گیٹ کو مضبوطی سے تھام رکھا تھا جس کی وجہ سے بائیک سوار خطرناک حادثے سے بال بال بچا، بائیک سوار نے فوری خود کو سنبھالا اور بائیک سے اتر کر اس شخص کی مدد بھی کی۔

دونوں نے لوہے کے دروازے کو پکڑ کر ایک طرف حفاظت سے رکھا۔

واقعے کی وائرل ویڈیو پر سوشل میڈیا صارفین نے مختلف ردعمل دیا، کچھ نے بائیکر کی خوش قسمتی پر اظہار مسرت کیا، کچھ نے گھر کے مالک کی تعریف کی جس نے دروازہ مضبوطی سے تھام کر ایک بڑا حادثہ ہونے سے بچا لیا۔

بعض لوگ اس بات پر ناخوش بھی تھے کہ مذکورہ شخص اپنے گھر کی دیکھ بھال سے غافل ہے ورنہ اسے ضرور پتہ ہوتا کہ دروازے کو مرمت کی ضرورت ہے۔

Comments

یہ بھی پڑھیں