پی ایس ایل کے آٹھویں سیزن کے تیرہویں میچ میں اعظم خان نے کوئٹہ گلیڈی ایٹرز کے خلاف 8 چھکوں اور 9 چوکوں کی مدد سے 42 گیندوں پر 97 رنز کی شاندار اننگز کھیلی۔
اعظم خان کی اس اننگز کے حوالے سے پاکستان میں موجود تمام سابق کھلاڑی اس حوالے سے بات کررہے ہیں تاہم پروگرام ہر لمحہ پرجوش میں موجود سابق کپتان یونس خان نے کہا کہ آج کا میچ دیکھ کر بہت مزہ آیا، اعظم خان آج ایک انٹرنیشل کھلاڑی کی طرح کھیلتے ہوئے نظر آئے ہیں۔
یونس خان نے کہا کہ آج انہوں نے گراؤنڈ کے دونوں اطرف کھیلا ہے، باؤلنگ سائیڈ پر بہترین بولز موجود تھے لیکن انہوں نے آج اسلکز اور پاور کا استعمال کرتے ہوئے تمام شاٹ لگائے ہیں۔
انہوں نے کہا کہ فٹنس کمر کم کرنا نہیں، اعظم خان اگر کرکٹ ٹیسٹ پاس کرسکتے ہیں، چھکے مار سکتے ہیں، کیپرنگ بہترین کرسکتے ہیں ، رنز بنا سکتے ہیں تو انہیں کچھ بھی ثابت کرنے کی ضرورت نہیں ہے۔
یونس خان نے کہا کہ اگر اعظم خان کی یہ فارم برقرار رہی تو وہ قومی ٹیم میں شمولیت کے مضبوط امیدوار بن سکتے ہیں، میری خواہش ہے کہ پی ایس ایل اعظم 8 کے بہترین پلئیر بنیں۔
اس کے علاوہ کامران اکمل کا کہنا تھا کہ اعظم خان نے کوالٹی بیٹنگ کی ہے، ان کی بیٹنگ دیکھنے کا مزہ آیا، آج کے میچ سے اعظم آگے مزید پُراعتماد بیٹنگ کریں گے۔
