لاہور: ذرائع ق لیگ کا کہنا ہے کہ حکومتی وفد کی جانب سے مسلم لیگ(ق)کی قیادت کو وزیراعظم کے پیغام میں وزارت اعلی کی پیشکش بھی ہو سکتی ہے۔
تفصیلات کے مطابق حکومتی وفد اور مسلم لیگ(ق)کی قیادت میں آج ملاقات شیڈول ہے ، ذرائع ق لیگ کا کہنا ہے کہ حکومتی وفد کی ق لیگ سے ملاقات نتیجہ خیز ثابت ہو سکتی ہے۔
ذرائع نے بتایا ہے کہ پارٹی میں اکثریت کی رائے ہے عمران خان کا اتحادی بن کر رہنا چاہیے ، شاہ محمود اور پرویز خٹک کی طرف سے وزیر اعظم کا اہم پیغام پہنچایا جائے گا۔
ق لیگ ذرائع نے کہا ہے کہ وزیراعظم کے پیغام میں وزارت اعلی کی پیشکش بھی ہو سکتی ہے تایم ق لیگ کی طرف سے مذاکرات کے تمام اختیارات پرویز الہٰی کودیے گئے ہیں۔
یاد رہے گذشتہ روز مسلم لیگ ن کے قائد نوازشریف نے پنجاب کی وزارت اعلیٰ ق لیگ کو دینے کی تجویز مسترد کر دی تھی جبکہ آصف زرداری وزارت اعلیٰ ق لیگ کو دینے کے حامی تھے۔
نواز شریف نے مؤقف میں کہا تھا وزیراعظم کو ہٹاکر پنجاب میں تبدیلی آسان ہوگی۔
