لاہور : تحریک انصاف کی رہنما ڈاکٹر یاسمین راشد نے پی ٹی آئی چھوڑنے کے سوال پر جواب دیا کہ عمران خان کیساتھ کھڑی ہوں، پی ٹی آئی نہیں چھوڑوں گی۔
تفصیلات کے مطابق تحریک انصاف کی رہنما یاسمین راشد کو انسداد دہشت گردی عدالت میں پیش کیا گیا، ان پر کور کمانڈر ہاؤس پر حملے کا الزام ہے۔
عدالت میں پیشی کے موقع پر ، صحافی نے یاسمین راشد سے سوال کیا کہ کیا آپ بھی پی ٹی آئی چھوڑ رہی ہے؟ جس پر ڈاکٹر یاسمین راشد نے کہا کہ میں پی ٹی آئی اور عمران خان کے ساتھ کھڑی ہوں، پی ٹی آئی نہیں چھوڑوں گی۔
یاد رہے 23 مئی کو انسداد دہشت گردی کی عدالت نے جناح ہاؤس حملہ کیس میں پی ٹی آئی کی رہنما ڈاکٹریاسمین راشد کو تین روزہ جسمانی ریمانڈ پر پولیس کے حوالے کردیا تھا۔
عدالت نے ڈاکٹریاسمین راشد کو 25 مئی کو دوبارہ پیش کرنے کا حکم دیا جبکہ تفتیشی افسر نے سات روز کے جسمانی ریمانڈ کی استدعا کی تھی۔
