اداکارہ مریم نفیس نے بتایا ہے کہ حاملہ خواتین کے لیے یوگا کرنا ٹھیک ہے یا نہیں۔
اے آر وائی ڈیجیٹل کے پروگرام ’گڈ مارننگ پاکستان‘ میں اداکارہ مریم نفیس نے شرکت کی اس دوران میزبان ندا یاسر نے سوال کیا کہ بہت ساری حاملہ خواتین کو ایکسرسائز کرتے دیکھا ہے یہ نئی تکنیک سمجھ نہیں آئی تم نے ایسا کچھ سنا ہے۔
مریم نفیس نے بتایا کہ میری دوست فٹنس ٹرینر ہے اس نے مجھ سے کہا ہے کہ جو تم پہلے ایکسرسائز کرتی تھیں انہیں جاری رکھ سکتی ہوں۔
انہوں نے کہا کہ دوست نے بتایا ہے کہ تم ہیوی ویٹ لفٹنگ نہیں کرسکتی لیکن ہلکی پھلکی ایکسرسائز کرسکتی ہو۔
اداکارہ نے بتایا کہ مجھے اس دوران صبح کی بیماری (مارننگ سکنس) ہوتی ہے وہ نہیں ہوئی، میں خوش قسمت ہوں کیونکہ اس میں بہت مشکل ہوجاتا ہے۔
مریم نفیس کا کہنا تھا کہ کچھ خواتین کے لیے یہ معاملہ پیچیدہ ہوتا ہے اب میں نے یوگا کرنا شروع کیا ہے، سفر بھی کرتی ہوں کوئی بھی کام اس وجہ سے نہیں چھوڑا، پروڈکشن کا کام بھی کرتی ہوں۔
انہوں نے کہا کہ ہمارے پاس ایپس موجود ہوتی ہیں جس سے پتا چل جاتا ہے کہ کیا کھانا ہے اکثر کوئی مجھ سے ہفتے کا پوچھتا ہے تو میں ایپ پر ہی چیک کرتی ہوں۔
اداکارہ مریم نفیس نے چند روز قبل بے بی مون کی تصاویر بھی شیئر کی تھیں۔
واضح رہے کہ اداکارہ مریم نفیس نے فلم ساز امان احمد سے اکتوبر 2022 میں شادی کی تھی، ان کے یہاں پہلے بچے کی آمد جَلد متوقع ہے۔
