اسلام آباد انٹرنیشنل ائیرپورٹ کی آؤٹ سورسنگ کے حوالے سے پبلک پرائیویٹ پارٹنر شپ کے تحت انتظامی آؤٹ سورسنگ میں پیشرفت نہ ہوسکی۔
تفصیلات کے مطابق سول ایوی ایشن اتھارٹی نے درخواستوں کیلئے مدت میں توسیع کردی، توسیع سمیت دیگر شرائط وضوابط پر مبنی اشتہار جاری کردیا گیا۔
ممکنہ بولی دہندگان کی جانب سے مدت میں توسیع کیلئے تحریری درخواستیں موصول ہوئیں۔ بولی جمع کرانے کی آخری تاریخ15مارچ2024مقرر کردی گئی۔
- Advertisement -
نظرثانی شدہ بولی جمع کرانے کی آخری تاریخ کی مدت پوری ہونے پر دیگر مراحل کا آغاز ہوجائے گا۔
اس حوالے سے سی اےاےحکام کا کہنا ہے کہ متعین کردہ ٹائم لائن کے علاوہ دیگرشرائط و ضوابط حسب سابق رہیں گی، دلچسپی رکھنے والے بولی دہندگان ریکوئسٹ فار پرپوزل حاصل کرسکتے ہیں۔
