اسلام آباد: نائب وزیر اعظم و وزیر خارجہ اسحاق ڈار سے افغانستان کے عبوری وزیر خارجہ امیر خان متقی نے چین کے دارالحکومت بیجنگ میں ملاقات کی۔
دفتر خارجہ کے ترجمان کے مطابق اسحاق ڈار اور امیر خان متقی کے درمیان ملاقات میں دوطرفہ تعلقات میں مثبت پیشرفت کا خیر مقدم، سفارتی روابط، تجارت اور ٹرانزٹ میں بہتری کا اعتراف کیا گیا۔
ترجمان نے بتایا کہ دونوں رہنماؤں میں تجارت، ٹرانزٹ، روابط اور سکیورٹی میں تعاون بڑھانے، اور دوطرفہ مفادات آگے بڑھانے کیلیے مشترکہ کوششوں پر اتفاق ہوا۔
Deputy Prime Minister/Foreign Minister, Senator Mohammad Ishaq Dar @MIshaqDar50 met with Afghanistan’s Acting Foreign Minister, Amir Khan Muttaqi @FMMuttaqi, in Beijing today.
The two recalled DPM/FM’s recent visit to Kabul and welcomed positive momentum in bilateral ties,… pic.twitter.com/bUBi9j32YI
— Ministry of Foreign Affairs – Pakistan (@ForeignOfficePk) May 21, 2025
اسحاق ڈار نے بھارت کے بزدلانہ حملے کے خلاف کامیاب آپریشن بنیان مرصوص کے بعد پہلی بار چین کا تین روزہ سرکاری دورہ کیا ہے۔
افغان عبوری وزیر خارجہ امیر خان متقی سے قبل اسحاق ڈار نے چینی وزیر خارجہ وانگ ای سے ملاقات کی جس میں جنوبی ایشیا کی صورتحال اور دوطرفہ تعلقات پر تبادلہ خیال کیا گیا۔
یہ بھی پڑھیں: خطے کی ترقی کے لیے افغانستان کے ساتھ مل کر کام کریں گے، اسحاق ڈار
نائب وزیر اعظم نے پاکستان کی خود مختاری کے دفاع پر چین کے تعاون کا شکریہ ادا کرتے ہوئے کہا کہ پاکستان چین کے کلیدی مفادات پر مکمل حمایت جاری رکھے گا، مسئلہ کشمیر کا حل علاقائی امن کیلیے ناگزیر ہے۔
چینی وزیر خارجہ وانگ ای نے کہا کہ چین پاکستان کا آہنی بھائی اور اسٹریٹجک پارٹنر ہے اور پاکستان کے ساتھ تعلقات کو نئی بلندیوں تک لے جانا چاہتا ہے، پاکستان کی خود مختاری اور ترقی کے سفر کی حمایت جاری رکھیں گے۔
دونوں وزرائے خارجہ نے دوطرفہ تعلقات پر اطمینان کا اظہار کیا اور ساتھ ہی تجارت، سرمایہ کاری، زراعت اور صنعت کے شعبوں میں تعاون بڑھانے پر اتفاق ہوا۔
سی پیک فیز ٹو کی پیشرفت پر دونوں رہنماؤں نے اطمینان کا اظہار کیا اور سی پیک میں تھرڈ پارٹی شمولیت کے نئے مواقع پر بھی گفتگو ہوئی۔
وزرائے خارجہ نے علاقائی ترقی، امن اور استحکام کیلیے مشترکہ کوششوں سمیت قریبی روابط اور تعاون جاری رکھنے پر اتفاق کیا۔
