اسلام آباد: وزیر خزانہ اسحاق ڈار کو حضرت بری امام انتظامی کمیٹی کا چیئرمین مقرر کردیا گیا جبکہ پرائیویٹ ممبران میں جنرل ریٹائرڈ محمد افضل جنجوعہ سمیت دیگر شامل ہیں۔
تفصیلات کے مطابق حضرت بری امام مزارکی ڈیولپمنٹ اور انتظامی امور پر قائم کمیٹی کی تشکیل نو کردی گئی ، وزیر اعظم شہباز شریف نےکمیٹی کی تشکیل نو کی منظوری دے دی۔
جس کے بعد وزارت داخلہ نے انتظامی کمیٹی کی تشکیل نو کا نوٹیفکیشن جاری کردیا، جس میں بتایا گیا ہے کہ وزیر خزانہ اسحاق ڈار حضرت بری امام انتظامی کمیٹی کے چیئرمین مقرر کردیئے گئے ہیں۔
نوٹیفکیشن کے مطابق پرائیویٹ ممبران میں جنرل ریٹائرڈ محمد افضل جنجوعہ، حنیف عباسی، راجہ سرفراز اکرم، سہیل اقبال بھٹی، گوہر زاہد ملک، انعام ربانی، محسن رضا نقوی اور میاں محمد حنیف شامل ہیں۔
اس ے علاوہ وفاقی سیکرٹری داخلہ، چیف کمشنر اسلام آباد، چیئرمین سی ڈی اے اور ڈی سی اسلام آباد بھی کمیٹی میں شامل ہوں گے۔
