اسلام آباد : وزیر خزانہ اسحاق ڈار کا کہنا ہے کہ آئندہ مالی بجٹ میں عوام کو ریلیف فراہم کرنے کیلئے ہر ممکن اقدامات اٹھائے جائیں گے۔
تفصیلات کے مطابق اسپیکر قومی اسمبلی راجہ پرویز اشرف سے وفاقی وزیر خزانہ اسحاق ڈار کی ملاقات ہوئی، ملاقات میں ملک کی مجموعی معاشی اور سیاسی صورتحال پر تبادلہ خیال کیا گیا۔
اسپیکر قومی اسمبلی نے معاشی استحکام کیلئےوزیر خزانہ اور ان کی ٹیم کی کوششوں کا سراہتے معاشی استحکام کے لیے سیاسی استحکام ضروری ہے۔
راجہ پرویزاشرف کا کہنا تھا کہ ملکی ترقی کے لیے معیشت کی مضبوطی ناگزیر ہے، معاشی مشکلات کے باوجود پیٹرولیم مصنوعات کی قیمتوں میں کمی احسن اقدام ہے۔
وزیر خزانہ اسحاق ڈار نے کہا کہ موجودہ حکومت کو معاشی مشکلات ورثے میں ملی ہیں، آئندہ مالی بجٹ میں عوام کو ریلیف فراہم کرنے کیلئے ہر ممکن اقدامات اٹھائے جائیں گے۔
اسحاق ڈار کا کہنا تھا کہ معیشت کو ترقی کی راہ پر گامزن کرنے کے لیے دن رات مصروف عمل ہے۔
