اسلام آباد: وزیر خزانہ اسحٰق ڈار آج ایشیائی ترقیاتی بینک کے عہدے داران سے میٹنگ کریں گے، میٹنگ میں پاکستان کی معاشی صورتحال اور اصلاحات پر تبادلہ خیال کیا جائے گا۔
تفصیلات کے مطابق وزیر خزانہ اسحٰق ڈار آج شام ایشیائی ترقیاتی بینک کے صدر جین لیکون سے ورچوئل میٹنگ کریں گے، اسحٰق ڈار کی عالمی بینک کے نائب صدر جنوبی ایشیا مارٹن ریزر سے بھی میٹنگ ہوگی۔
ذرائع کا کہنا ہے کہ وزیر مملکت خزانہ عائشہ غوث پاشا سمیت معاشی ٹیم کے دیگر ارکان بھی میٹنگ میں شرکت کریں گے۔
ذرائع کا کہنا ہے کہ میٹنگ میں پاکستان کی معاشی صورتحال اور اصلاحات پر تبادلہ خیال کیا جائے گا، وزیر خزانہ آئی ایم ایف کے ساتھ اسٹاف لیول معاہدے کے لیے پیش رفت سے بھی آگاہ کریں گے۔
