اسلام آباد: وفاقی وزیر خزانہ اسحٰق ڈار کا کہنا ہے کہ پاکستان اور برطانیہ کے درمیان تعلقات کو باہمی مفادات کے لیے بڑھانے کی ضرورت ہے، حکومت کا مقصد معاشی اور مالی استحکام لانا ہے جس سے معاشی بحالی اور ترقی ہوگی۔
تفصیلات کے مطابق وفاقی وزیر خزانہ اسحٰق ڈار سے قائم مقام برطانوی ہائی کمشنر کی ملاقات ہوئی، ملاقات میں باہمی تجارت اور سرمایہ کاری کے فروغ سمیت باہمی دلچسپی کے امور پر تبادلہ خیال کیا گیا۔
وزیر خزانہ اسحٰق ڈار کا کہنا تھا کہ دونوں ممالک میں تعلقات کو باہمی مفادات کے لیے بڑھانے کی ضرورت ہے، حکومت کا مقصد معاشی اور مالی استحکام لانا ہے جس سے معاشی بحالی اور ترقی ہوگی۔
A pleasure to meet Finance Minister @MIshaqDar50 earlier today to discuss the importance of increasing 🇬🇧🤝🇵🇰 trade, the IMF programme, and strengthening our people to people ties. @FinMinistryPak @ukinpakistan pic.twitter.com/CIEf9AvDGo
— Andrew Dalgleish (@ADalgleish01) February 20, 2023
وزیر خزانہ نے قائم مقام برطانوی ہائی کمشنر کو سیلاب اور معاشی چیلنجز سے بھی آگاہ کیا۔
برطانوی قائم مقام ہائی کمشنر نے حکومت کے عملی اقدامات کو سراہا، وزیر خزانہ نے برطانوی قائم مقام ہائی کمشنر کی جانب سے نیک نیتی اور تعاون کو سراہا۔
