اسلام آباد : وزیر خزانہ اسحاق ڈار کا کہنا ہے کہ آئی ایم ایف سے ڈیل ہوگئی تو بسم اللہ ورنہ گزارہ ہوسکتا ہے، پہلے بھی ہوتا رہا ہے۔
تفصیلات کے مطابق وفاقی وزیر خزانہ اسحاق ڈار نے بجٹ تقریر کرتے ہوئے کہا کہ شہبازشریف کی پیرس میں ایم ڈی آئی ایم ایف سے2بارملاقات ہوئی، آئی ایم ایف کی تمام شرائط پوری کرچکےہیں، پاکستان نےآئی ایم ایف کے تمام نکات پر عمل کرلیا ہے۔
اسحاق ڈار کا کہنا تھا کہ گزشتہ3دن آئی ایم ایف کی ٹیم سےمسلسل مذاکرات کئے، آئی ایم ایف کا معاملہ چندروزسےسامنے آیا ہے، مذاکرات میں فائنل215ارب روپے کے ٹیکس لگانےکی تجویز ہے۔
وزیر خزانہ نے کہا کہ جاری اخراجات میں 85ارب کی کمی کی جائےگی، ان ٹیکسزسے غریب اور متوسط طبقےپراثرنہیں پڑےگا، ایساکرناضروری ہے کیونکہ یہ ظاہرکرتا ہے کہ ہم دنیاسےرابطےمیں ہیں۔
ان کا کہنا تھا کہ آئی ایم ایف سےمعاہدہ ہوتوبسمہ اللہ،ورنہ گزارہ ہورہاہے، آئی ایم ایف ڈیل کی حیثیت میڈیکل سرٹیفیکیٹ جیسی ہے، ڈیل کےبعدہی عالمی اداروں سے معاہدے ہوسکیں گے۔
