اسلام آباد : وزیر خزانہ اساق ڈار کا کہنا ہے کہ آئی ایم ایف معاہدے کیلئے معمول سے ہٹ کر بہت سخت شرائط رکھ رہا ہے۔

تفصیلات کے مطابق وزیرخزانہ اسحاق ڈار نے سینیٹ میں اظہار خیال کرتے ہوئے کہا کہ کوئی بھی طاقت ایٹمی میزائل ٹیکنالوجی سمیت اسٹریٹجک اثاثوں پر فیصلہ لینے پر مجبور نہیں کرسکتی۔

اسحاق ڈار کا کہنا تھا کہ اپنی قومی سلامتی کے تحفظ کی اہمیت اور ذامہ داری سے مکمل آگاہ ہیں، آئی ایم ایف کیساتھ جب اسٹاف لیول معاہدہ طے پا جائے گا قوم کو ہرچیز سے آگاہ کریں گے۔

آئی ایم ایف سے مذاکرات کے حوالے سے وزیر خزانہ نے کہا کہ آئی ایم ایف معمول سے ہٹ کر معاہدے کیلئے بہت سخت شرائط رکھ رہا ہے، حکومت نے آئی ایم ایف معاہدے کے حوالے سے کوئی چیز قوم سے نہیں چھپائی۔

ان کا مزید کہنا تھا کہ یہ معاہدہ سابقہ حکومت نے 2019 میں آئی ایم ایف کے ساتھ کیا تھا ، بطور وزیرخزانہ معاہدے کو حکومتی ویب سائٹ پر اپ لوٹ کیا، کوئی بھی شہری معاہدے کے مندرجات پڑھ سکتا ہے۔