اسلام آباد : سابق وزیرخزانہ اسحاق ڈار نے دعویٰ کیا ہے کہ مفتاح اسماعیل نے گورنر بننے کیلئے میرے آفس کے کارپٹ گِھسا دیے۔
تفصیلات کے مطابق سابق وزیرخزانہ اسحاق ڈار نے اے آر وائی نیوز کے پروگرام خبر میں مہر بخاری کو خصوصی انٹرویو میں مفتاح اسماعیل سے متعلق سوال پر جواب دیتے ہوئے کہا کہ کچھ لوگوں میں ظرف نہیں ہوتا۔
اسحاق ڈار نے دعویٰ کیا کہ مفتاح اسماعیل کوچیئرمین انویسٹمنٹ بورڈ بنایا، وہ کام نہیں کرسکے، مفتاح اسماعیل نےگورنربننےکیلئےمیرےآفس کے کارپٹ گَِھس دیئے، میں نے انھیں منع کیا نہیں بنا سکتا گورنر۔
سابق وزیرخزانہ کا کہنا تھا کہ ہمارے بیانیے آج بھی اہم ہیں اور رہیں گے، ہم چیئرمین پی ٹی آئی کی طرح نہیں، چیئرمین پی ٹی آئی کاایک ہی بیانیہ تھااوروہ انتقام تھا، کیا کوئی ایساشخص بھی ہوتا ہے جو اپنے ہی ملک کےاداروں پرحملہ کرادے۔
ن لیگی رہنما نے کہا کہ چارٹرآف ڈیموکریسی میرےدل کےبہت قریب ہے، ٹروتھ کمیشن چارٹرآف ڈیموکریسی کاایک نامکمل ایجنڈاہےجسےپوراکرینگے، نوازشریف انتقام پریقین نہیں رکھتے، مفاہمت کیساتھ آگےچلیں گے۔
ان کا مزید کہنا تھا کہ ٹروتھ کمیشن بنانےکیلئےپوری کوشش کرونگاتاکہ حقائق عوام کےسامنےآئیں، ٹروتھ کمیشن بننےدیں جوبھی حقائق ہیں سب عوام کےسامنےآنےدیں، کمیشن بنے گا تو یقیناً سسٹم بھی اسے برداشت کرلے گا۔
اسحاق ڈار نے کہا کہ ہمیں ماضی سےسیکھناچاہیےاورآگےبڑھناچاہیےتاکہ ملک ترقی کرے، ہماری پارٹی میں ہرممبرکواسپیس دی جاتی ہے، میری خواہش ہےتمام اہم سیاسی جماعتوں کو اتحادی حکومت بنانی چاہیے۔
مخالفین کے بیانات پر سابق وزیر کا کہنا تھا کہ نوازشریف کس حیثیت میں الیکشن کی تاریخ دیں، الیکشن کی تاریخ دیناالیکشن کمیشن کاکام ہےنوازشریف کانہیں، کسی کانوازشریف سےشکوہ نہیں بنتاکہ الیکشن کی تاریخ نہیں دی، نوازشریف نےکہاہےکہ وہ انتقام کی سیاست نہیں کریں گے۔
انھوں نے کہا کہ نوازشریف اقتدارمیں بھی آگئےتوان کی سیاست مفاہمت کی ہی ہوگی۔
