اسلام آباد : نائب وزیراعظم اسحاق ڈار کابل روانہ پہنچ گئے، جہاں وہ نائب وزیراعظم افغان عبوری وزیراعظم سےملاقات کریں گے اور وفود کی سطح پر مذاکرات بھی ہوں گے۔
تفصیلات کے مطابق وزیرخارجہ اسحاق ڈار ایک روزہ دورے پر کابل پہنچ گئے، کابل آمد پر افغان حکام نے اسحاق ڈار کا استقبال کیا۔
نائب وزیراعظم کے ہمرا داخلہ اور ریلویز کے وفاقی سیکرٹریز سمیت وزارت داخلہ اورایف بی آرکےاعلیٰ حکام بھی ہیں۔
افغان وزیرخارجہ کی دعوت پر اسحاق ڈار کابل پہنچے، کابل ائیرپورٹ پر نائب وزیرمالیات ڈاکٹر نعیم وردگ نے استقبال کیا، اس موقع پر کابل میں پاکستانی سفیر عبید الرحمان نظامانی بھی موجود تھے۔
نائب وزیراعظم کی افغان وزارت خارجہ پہنچے جہاں افغان وزیر خارجہ مولوی امیر خان متقی نے اسحاق ڈارکااستقبال کیا
دونوں ممالک کے وزرائے خارجہ کے درمیان اہم مذاکرات ہوئے ، جس میں دونوں ملکوں کےتاریخی رشتوں کو مزید مضبوط بنانے پر تبادلہ خیال کیا گیا۔
انھوں نے کہا کہ پاکستان برادر ملک افغانستان کی ترقی و خوشحالی کا خواہاں ہے۔
، نائب وزیراعظم دورے کے دوران افغان وزیراعظم ملا حسن اخوند اور وزیر خارجہ افغان نائب وزیراعظم عبدالاسلام حنفی سے ملاقات کریں گے۔
اس سے قبل نور خان ائیربیس پر روانگی سے قبل نائب وزیراعظم نے میڈیا سے گفتگو کرتے ہوئے کہا افغانستان کے ساتھ ہمارے برادرانہ تعلقات ہیں، افغانستان ہمارا ہمسایہ ملک ہے۔
ان کا کہنا تھا کہ وزیراعظم سمیت سب نےملکرفیصلہ کیاافغان حکومت سےبات چیت کریں ، دونوں ملکوں کےعوام کی بہتری کیلئے جوکچھ ہوسکتا ہے کرنا چاہیے۔
نائب وزیراعظم نے مزید کہا کہ وسط ایشیائی ریاستوں تک تجارت ہمارا ایجنڈا ہے، کچھ عرصے دونوں ملکوں کے درمیان تعلقات میں سردمہری رہی ہے۔
خیال رہے یہ دورہ افغان عبوری وزیرخارجہ کی دعوت پرکیا جا رہا ہے ، ان کا دورہ پاکستان کے افغان عوام سے برادرانہ تعلقات کا مظہر ہے۔
