چین کے دفترِ خارجہ کے بیان پر وفاقی وزیرِ خزانہ اسحاق ڈار نے اپنے ردِ عمل کا اظہار کیا ہے۔
وفاقی وزیرِ خزانہ اسحاق ڈار نے اس حوالے سے جاری بیان میں کہا کہ چینی دفترِ خارجہ کا بیان دونوں ممالک کے درمیان گہری دوستی کی عکاسی کرتا ہے۔
واضح رہے کہ چینی وزارت خارجہ نے کہا تھا کہ پاکستان کی مشکلات کا سبب کچھ ترقی یافتہ ممالک کی معاشی پالیسیاں ہیں، ترقی یافتہ ملک کی بنیاد پرست پالیسیاں پاکستان کی مالی مشکلات کاباعث ہیں۔
- Advertisement -
ترجمان چینی وزارت خارجہ ماؤ ننگ نے کہا کہ امیر ممالک پاکستان کی مدد کریں، تمام فریق پاکستان کے معاشی، سماجی استحکام کیلئے تعمیری کردار ادا کریں۔
انہوں نے کہا کہ مالیاتی ادارے، قرض دینے والے ممالک پاکستان کی معاشی صورتحال میں مددکریں، ترقی پذیر ممالک پر سب سے زیادہ قرضوں کا بوجھ مالیاتی اداروں کا ہے۔
