قائد ایم کیو ایم نے ڈی جی آئی ایس آئی سے ملاقات کیلئے ڈیڑھ کروڑ دیئے، مصطفیٰ کمال -
The news is by your side.

Advertisement

قائد ایم کیو ایم نے ڈی جی آئی ایس آئی سے ملاقات کیلئے ڈیڑھ کروڑ دیئے، مصطفیٰ کمال

کراچی : پاک سر زمین پارٹی کے سربراہ مصطفٰی کمال نے کہا ہے کہ قائد ایم کیوایم نے ڈی جی آئی ایس آئی سے بات کرنےکےلئےایک جعلساز کو ڈیڑھ کروڑ روپے دیئےتھے۔

ڈاکٹر فاروق ستار نے اے آروائی نیوز کے پروگرام الیونتھ آور میں واقعے کوتسلیم کیا تھا۔ پنجاب سے ایم کیوایم کے رکن افتخار رندھاوا کی جانب سے مصطفٰی کمال گروپ جوائن کرنے کے موقع پر پریس کانفرنس سے خطاب کرتے ہوئے مصطفٰی کمال نے دعوٰی کیا کہ قائدایم کیوایم نےآئی ایس آئی سے بات کرنےکےلئےکسی جعلساز کو ڈیڑھ کروڑ روپے دیئےتھے۔

یاد رہے کہ متحدہ قومی موومنٹ کے ڈپٹی کنوینئر ڈاکٹرفاروق ستارنےاے آروائی نیوز کے پروگرام الیونتھ آور میں اس واقعے کی تصدیق کی تھی مصطفٰی کمال نے بتایا کہ جعلی ڈی جی آئی ایس آئی سے بات کرکےقائد ایم کیوایم نے کارکنوں کویاسلام کا ورد کرنے کی ہدایت کی تھی۔

مصطفٰی کمال نے دعوٰی کیا کہ ڈیڑھ کروڑ واپس لینے کےلئے ایم کیوایم نے گورنر سندھ ڈاکٹر عشرت العباد سے بھی رابطہ کیا تھا، جبکہ بابرغوری نے اس جعلساز کی ضمانت لی تھی کہ ڈیڑھ کروڑ روپے واپس ہوجائیں گے۔

 

Comments

comments

یہ بھی پڑھیں