افغانستان کے صوبے دائی کنڈی میں داعش کے حملے میں 14 شہری ہلاک جبکہ متعدد زخمی ہوگئے۔
غیر ملکی ذرائع ابلاغ کی رپورٹ کے مطابق ترجمان نے بتایا کہ حملے کے بارے میں مزید تفصیلات سے بعد میں آگاہ کیا جائے گا۔
افغان نیوز ایجنسی کی رپورٹس کے مطابق واقعے میں 15 شہری ہلاک جبکہ متعدد زخمی ہوئے ہیں۔ طالبان کے اقتدار میں آنے کے بعد یہ افغانستان کے صوبے دائی کنڈی میں شہریوں پر پہلا حملہ ہے۔ عرب میڈیا کا کہنا ہے کہ داعش نے اس حملے کی ذمے داری قبول کرلی ہے۔
دوسری جانب غزہ میں جاری اسرائیلی بربریت کے دوران حزب اللہ کی جانب سے شمالی اسرائیل میں ائیر ڈیفنس بیس پر راکٹ حملہ کیا گیا ہے۔
عائشہ نور شہید کی لاش کل ترکیہ پہنچے گی
اسرائیل نے حزب اللہ کے کئی راکٹ تباہ کرنے کا دعویٰ کیا ہے تاہم کسی جانی و مالی نقصان کی تاحال کوئی اطلاع سامنے نہیں آئی، سوشل میڈیا پر وائرل ہونے والی ویڈیوز میں دیکھا جاسکتا ہے کہ آسمان پر روشنی اور دھواں پھیلا ہوا ہے۔
